Jɔn 11:42 - JAM DE NHIALIC 2011

⁴² Ku aŋiɛc nɔn ee yïn këdï piŋ ëcaŋɣɔn: ku në biäk de kut ë kɔc kääc ë yalɔ̈ɔ̈m, en aa luɛɛl ɛn en, ke ke bï gam nɔn ë tooc yïn ɛn.”

Jɔn 11:42 ပူးပေါင်းရင်းမြစ်များ

Math 26:53

Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou?

Jɔn 11:22

Ku acakaa ënɔɔnë, aŋiɛc an, të de yen kë bä lip tëde Nhialic, ka bïï Nhialic gäm yïn.”

Jɔn 11:31

Go Judai wën nu ɣööt ëtök në yen, kɔc wën luk en piɔ̈u, të cï kek Meri tïŋ, nɔn cï en rɔt dɔɔr ku le biic, agokï biɔɔth cök, ayek lueel an, le ë raŋ nɔm le dhiaau ëtɛ̈ɛ̈n.

Jɔn 11:43

Na wën, aacï kakë lueel, ke jɔ cööt ë röl dït an, “Ladharo, bä bei!”

Jɔn 12:11

luɔi jëlë kɔc ke Judai juëc në biäk de yen, bïk Yecu lɔ gam.

Jɔn 12:17

Go kut ë kɔc wään nu në yen, wään cɔɔl en Ladharo bei ë raŋic, ku jɔt ë kɔc cï thou yiic, gokï aa cäätɔɔ luelkï këden.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Jɔn 17:25

“Wäär, Raan piɛthpiɔ̈u, yïn kuc kɔc ke piny nɔm, ku yïn ŋiɛc, ku ŋic kɔckë nɔn ee yïn ë toc ɛn.

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 3:17

Nhialic aacïï Wënde tuuc ë piny nɔm, bï kɔc ke piny nɔm yiëk yiëth gääk, ee luɔi bï kɔc ke piny nɔm kony wëi, en ë tuuc en en.

Jɔn 8:16

Ku na ya cak löŋ aa guiir, ke guiëër aa yɛn löŋ guiir ee yic, yɛn cïï rɛ̈ɛ̈r a tök, ee yɛn wokë Wäär raan ë toc ɛn.

Jɔn 8:29

Ku raan ë toc ɛn, yen arëër wok ëtök, Wäär akën a nyääŋ piny atök, luɔi aa yɛn cool ë loi kamit në yepiɔ̈u.”

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

1 Jɔn 4:14

Ku acuk tïŋ ku yok cäätɔɔ në tuöc cï Wääda Wënde tuööc bï aa Kony bï kɔc ke piny nɔm kony wëi.