Jɔn 11:40 - JAM DE NHIALIC 2011

⁴⁰ Go Yecu yɔ̈ɔ̈k an, “Kɛ̈n lɛ̈k yïn an, të gëm yïn, ke yïn bï dhuëëŋ ë Nhialic tïŋ?”

Jɔn 11:40 ပူးပေါင်းရင်းမြစ်များ

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

Diɛt 63:2

Tɔ ya tïŋ riɛldu, ku dhuëëŋdu, cït man cän Yï tïŋ tëɣeric.

Diɛt 90:16

Tɔ awuutku tïŋ luɔiduön dït, tɔ kuatda tïŋ dït de dhuëëŋdu.

Bɛ̈n 16:7

Miäk we bï dhuëëŋ ë Bɛ̈nydït tïŋ, në luɔi cï yen dokdun piŋ, dok duɔk wek në weyäc në Bɛ̈nydït. Ɣɛɛ, ë yic wek ë dok në yeguöp. Na wook, ee lööŋke tei kek yok luɛɛl.”

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Mak 9:23

Go Yecu yɔ̈ɔ̈k an, “Të ŋic yïn gäm! Käŋ ayek lëu kedhie tëde raan ë gäm.”

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 11:4

Na wën, acï Yecu ye piŋ, ke luel an, “Juänë acie këde thuɔɔu, ee lɛc bïï Nhialic lɛc nɔm, ago wën ë Nhialic dhuëëŋ yök në yen.”

Jɔn 12:41

Kakë aake lueel Yithaya, të ɣɔn tïŋ en dhuëëŋde, ago jam në këde.

Jɔn 9:3

Go Yecu bɛ̈ɛ̈r an, “Acie raanë yen ë loi kërac, ku cie wun ayï man: ee tïc bï luɔi ë Nhialic tïc ë yeguöp.

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.