Jɔn 10:30 - JAM DE NHIALIC 2011

³⁰ Wook wokë Wäär wok ee tök.”

Jɔn 10:30 ပူးပေါင်းရင်းမြစ်များ

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Jɔn 10:29

Wäär, raan ë gëm ke yɛn, adït awär jäŋ ëbɛ̈n: ku acïn raan duëër ke gɔ̈p bei ë Wäär ciin.

Jɔn 10:36

Na raan cïï Nhialic tɔ ɣer piɔ̈u, ago tuɔɔc ë piny nɔm, bäk yɔ̈ɔ̈k an, “Yïn ë Nhialic lat, në luɛ̈l cän e lueel an, Yɛn ee Wën ë Nhialic?

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 14:9

Go Yecu yɔ̈ɔ̈k an, “Cä rëër wo week ë caŋɣɔn, ku ŋuɔɔtë ke yï kuc ɛn, Pilip? Raan cï a tïŋ, ka cï Wääda tïŋ aya, ku eeŋö lueel yïn en an, ‘Nyuöthë wook Wääda?’

Jɔn 16:15

Ka nu ë Wäär cin ayek kakï kedhie: yen aa luɛɛl ɛn en an, abï këdï nööm, ku jɔ nyuöth week.

Jɔn 17:10

Ku kakï kedhie ee kaku, ku kaku ee kakï: ku yɛn ee dhuëëŋ yök ë keyiic.

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 8:58

Go Yecu ke yɔ̈ɔ̈k an, “Wek yɔ̈ɔ̈k ëyic an, ɣɔn ŋootë Abraɣam ke liu, ‘Yɛn ë nu.”’

Nyöŋ 6:4

“Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.