Jɔn 10:16 - JAM DE NHIALIC 2011

¹⁶ Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Jɔn 10:16 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Wɛ̈ɛ̈t 12:11

Jiɛɛm ke kɔc pelnïïm acïtkï thieec ye ɣɔ̈k dɔk, ku kɛ̈ŋ cï määtiic ayek tɔ̈u cït löny cï piäät piny aril, aake gɛmë në Tïn töŋ cɔl Nhialic.

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Edhekiɛl 34:12

cït man ye tïn de thök amɛ̈l ŋiëc muk të cï kek thiäi, aye ke bɛ lɔ määt yiic. Abä ke lɔ pɔ̈k nïïm ciëën në ɣään wään cï kek thiɛ̈i thïn në kööl ɣɔn de mɔ̈ɔ̈th ë riääk.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 34:6

Ka thökkï ayek tai në kur nïïm ku kur kor thöny nïïm. Acï keek thiäi në piny yic ëbɛ̈n ku acïn raan ee keek kɔɔr ku bïï keek lɔ bɛ̈ɛ̈i.

Edhekiɛl 37:22

Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Luk 15:8

“Ku ye tiiŋou, tiiŋ de atek kathiëër, ku na mɛ̈ɛ̈r ateŋ tök, ke cïï manyëalath bï kooth ku jɔ ɣöt napic, ago cök ë kɔɔr en en aɣët të bï en e yök?

Jɔn 10:11

Yɛn ee tïn piɛth tïn ë thök: ku tïn piɛth ee wëike gaam në baŋ de thök.

Jɔn 10:2

Ku raan tëk ë agäu thok, yen aye tïn ë thök.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 10:3

Raan tit agäu thok ee agäu tuɛ̈ɛ̈r en, go thök rölde piŋ: go thök ke yenguöp cɔɔl në rinken, ku jɔ ke tɔ lɔ biic.

Jɔn 10:4

Ku të tɔ en thök ke yenguöp lɔ biic, ke jɔ lɔ ë kenïïm tueŋ, ku kuɛny thök cök, luɔi ŋic kek rölde.

Jɔn 10:5

Ku acïkï raan lei duëër aa kuany cök ananden, abïk aa kat ëye, luɔi kuc kek röl ë kɔc lei.”

Jɔn 11:52

ku acie nyin ë jurëyic etök, ee luɔi bïï en mïth ke Nhialic të mat keyiic ëtök ayadäŋ, mïth cï thiäi.

Jɔn 17:20

“Ku acie biäk de kɔckë kapäc yen läŋ, ee biäk de kɔc bï a gam në biäk de jamden aya,

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Luɔi 15:14

Thimon acï week guiëër në nɛ̈m tueŋ cï Nhialic Juöör kɔn neem, bï kɔc bɛ̈n bɛ̈ɛ̈i bei ë keyiic, në baŋ de rinke.

Luɔi 18:10

yɛn cath wo yïn, ku acïn raan bï rɔt yiëk ater ke yïn, bï yï nɔ̈k, yɛn de kɔc juëc ë pänydïïtëyic.”

Luɔi 22:14

Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.