Jɔn 10:11 - JAM DE NHIALIC 2011

¹¹ Yɛn ee tïn piɛth tïn ë thök: ku tïn piɛth ee wëike gaam në baŋ de thök.

Jɔn 10:11 ပူးပေါင်းရင်းမြစ်များ

2 Tham 24:17

Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

Diɛt 23:1

Bɛ̈nydït ee tïndï, ka acïn këdiën dak.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Maika 5:4

Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar,

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Jɔn 10:2

Ku raan tëk ë agäu thok, yen aye tïn ë thök.

Jɔn 15:13

Acïn raan cath ke nhiëër dïït wär ee kënë an, bï raan wëike gaam në biäk de määthke.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”