Jɔn 1:32 - JAM DE NHIALIC 2011

³² Go Jɔn këde lueel an, “Yɛn aa tïŋ Wëidït ke ke bɔ̈ nhial ke cït guöp guuk, bï ku rëër ë yenɔm.

Jɔn 1:32 ပူးပေါင်းရင်းမြစ်များ

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Math 3:16

Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Mak 1:10

Na wën, ënɔntöŋ ë bïï en biic ë pïïu yiic, ke tënhial ë liep yeyic, ku tïŋ Wëidït ɣer abɔ̈ piny nhial lekï ë yeguöp acït guöp guuk.

Luk 3:22

go Wëidït ɣer lööny ë yeguöp, ke cït guöp guuk, ku bɔ̈ röl paannhial, röl lueel en an, “Yïn ee Wëndiën nhiaar, yɛn mit piɔ̈u wokë yïn arëët.”

Jɔn 1:31

Ku aa kuöc guöp, ku luɔi bï e ŋic ë Yithriɛl, yen aa bä yɛn, bä kɔc bɛ̈n baptith në pïïu.”

Jɔn 1:7

Aa bɔ̈ ke ye cäätɔ, bï kɔc bɛ̈n lɛ̈k ɣɛɛrëpiny, bï kɔc kedhie ya gam në liemde.

Jɔn 5:32

Ee raan däŋ yen aye cäätɔdï, ku këdɛn lueel ee këdï aŋiɛc nɔn ee yen yic.