Jɔn 1:17 - JAM DE NHIALIC 2011

¹⁷ Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 1:17 ပူးပေါင်းရင်းမြစ်များ

Cäk 22:18

Juöör ke piny nɔm kedhie abïk athiɛɛi aa lip tëde Yɛn, an thiɛɛi keek cït man cän mïthku thieei. Në luɔi cïn löŋdï döt.”

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 5:45

Duökï ee lueel nɔn bän we lɔ gaany ë Wäär nɔm: raan gɔɔny week anu, yen Mothe raan ŋäthkï.

Jɔn 7:19

Kën Mothe we gäm löŋ, ku acïn raan tök ë weyiic raan ë löŋ tiiŋic? Eeŋö kaar wek luɔi näk wek ɛn?”

Jɔn 8:32

ku we bï yic ŋic, ku yic abï we lony.”

Jɔn 9:29

Aŋicku nɔn cï Nhialic jam kekë Mothe, ku na ye raanë, akucku tëdɛn ë bï yen thïn!”

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 7:38

Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Galatai 3:17

Tharde kï yen aluɛɛl an, Löŋ cï mac ɣɔn, löŋ ŋootë Nhialic ke kääc thïn ëgɔk an, ee këde Kërtho, acïï duëërë tɔ cïn naamde në löŋ de Mothe, löŋ cï yiɛ̈n kɔc ë löŋë cök, wën cï en run bot kaŋuan ku thiërdiäk lɛɛr, ku kë cï kɔn lueel an, bï gäm en, acïï löŋ de Mothe duëër tɔ cïn naamde.

Nyöŋ 33:4

Wok ee löŋ ë gëmë Mothe wook riëëu, ee këdan piɛth në amatnɔm de Jakopic.

Nyöŋ 4:44

Kënë ee löŋ ë tɛ̈ɛ̈uwë Mothe ë mïth ke Yithriɛl nïïm.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Ɣeberuu 9:22

Acï löŋ lueel an, tëdït ë käŋ kedhie abï ke dhil tɔ ɣeriic në wïïth ë riɛm, acïn päl awɛ̈ɛ̈c të cïn riɛm cï lɛ̈u.