Jɔn 1:15 - JAM DE NHIALIC 2011

¹⁵ Jɔn aaye cäätɔ de yen, ago cööt an, “Raan wään aa yɛn këde lueel kï, an, ‘Raan bï bɛ̈n ë yacök, yen anu ë yanɔm tueŋ: ë luɔi ee yen ë kɔn nu në yɛn.”’

Jɔn 1:15 ပူးပေါင်းရင်းမြစ်များ

Kɛ̈ŋ 8:22

“Bɛ̈nydït ee yɛn aa kɔn cak tueŋ në këriëëcdɛn ë ciɛk nɔm ëbɛ̈n ɣɔn thɛɛr.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Math 3:11

Yɛn dï, wek a baptith ë pïïu tei në këde puŋëpiɔ̈u, ku raan bɔ̈ ë yacök ee raan ril ë yɛn, yɛn cïï röŋ luɔi bän wɛɛr ke yencök muk, yen abï we baptith në Wëidït ɣer ku në mac,

Mak 1:7

Ku ye guiir an, “Ade raan bɔ̈ ë yacök ciëën, raan ril ë yɛn, ku yɛn cï röŋ në luɔi duɛ̈ɛ̈r ɛn guŋ dak thiönh ë wɛɛrke.

Luk 3:16

Go Jɔn bɛ̈ɛ̈r, yöök keek kedhie an, “Ya kï, wek aa baptith ë pïïu, ku ade raan bɔ̈ raan ril ë yɛn, raan cä yɛn röŋ në luɔi bän thiönh ë wɛɛrke dɔ̈k, yen abï week baptith në Wëidït ɣer ku në mac.

Jɔn 1:27

yen ee raan bɔ̈ ë yacök, raan nu ë yanɔm tueŋ, raan cän röŋ wokë luɔi duɛ̈ɛ̈r ɛn thiön ë waarde dɔ̈k.”

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Jɔn 8:58

Go Yecu ke yɔ̈ɔ̈k an, “Wek yɔ̈ɔ̈k ëyic an, ɣɔn ŋootë Abraɣam ke liu, ‘Yɛn ë nu.”’

Kolothai 1:17

Ku yen anu ë käŋ nïïm tueŋ kedhie, ku tɔ̈u käŋ kedhie në yen.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 2:8

Ku gäär tunynhial de ɣön ë Nhialic nu Thumurna alë: Kakë aluel raan keek, raan tueŋ ku ye raan ciëën, raan ëcï thou, ku be pïïr: