Jɔn 1:14 - JAM DE NHIALIC 2011

¹⁴ Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:14 ပူးပေါင်းရင်းမြစ်များ

Diɛt 2:7

Ku lueel ë melik an, “Yɛn bï kë cïï Bɛ̈nydït lueel aa caal, acï lɛ̈k ɛn an, ‘Yïn ee wëndï, ku ee köölë Yɛn cï aa Wuur.

Diɛt 45:2

Yïn ee raan töŋ piɛth në mïth ke kɔc yiic. Ku yïn cï tɔc thok në dhuëëŋ. Në baŋ cï ë Nhialic Yï thieei aɣet athɛɛr.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Yith 40:5

Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Edhekiɛl 37:27

Yɛn bï rëër ëtɛ̈ɛ̈n wo keek, ku Yɛn bï aa Nhialicden ku abïk aa kɔckï

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 2:7

Go kaai ë wëndɛn tueŋ, ku jɔ duut ë lupɔ, ku tɛ̈ɛ̈c ë kën ee mul rem thïn, acïn të bï kek rëër ɣön ë kamaan.

Luk 9:32

Ku Petero kekë kɔc cath në yen acï nïn ke nɔ̈k: na wën, aa cïk guɔ pääc, ke ke jɔ dhuëëŋde tïŋ, ku tïŋkï kɔc kaarou ke ke kääc në yen.

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Jɔn 11:40

Go Yecu yɔ̈ɔ̈k an, “Kɛ̈n lɛ̈k yïn an, të gëm yïn, ke yïn bï dhuëëŋ ë Nhialic tïŋ?”

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 14:9

Go Yecu yɔ̈ɔ̈k an, “Cä rëër wo week ë caŋɣɔn, ku ŋuɔɔtë ke yï kuc ɛn, Pilip? Raan cï a tïŋ, ka cï Wääda tïŋ aya, ku eeŋö lueel yïn en an, ‘Nyuöthë wook Wääda?’

Jɔn 17:22

Ku dhuëëŋ cï gäm ɛn acä gäm keek, ke ke bï aa tök, cït man ee wok tök:

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 2:11

Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 3:18

Raan gam en acïn gääk nu ë yeyeth: ku raan reec gäm, ë guɔ yiëk yeth gääk ënɔɔnë, luɔi reec en gäm në rin ke Wën ë Nhialic, wën cï dhiëëth etök.

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Jɔn 8:32

ku we bï yic ŋic, ku yic abï we lony.”

Luɔi 13:33

yen acïï Nhialic tɔ ye yic tëde wook wok mïthken, në jön cï en Yecu bɛ jat nhial, acït man cï ë gɔ̈ɔ̈r ë Diɛt ye kek rou yiic an, ‘Yïn ee Wëndï, ee köölë yïn cä dhiëëth.’

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:19

Acï miɛt ë Wun piɔ̈u luɔi bï en tɔ̈u ke kuɛth arëët,

Kolothai 2:3

raan cï kapiɛth cï kueet thiaan ë yeyic ëbɛ̈n, ka ke pɛlënɔm ku ŋïnydekäŋ.

Kolothai 2:9

Yen aye raan rëërë kuɛth ë Nhialic ëbɛ̈n ë yeguöp.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 1:5

Acïn tunynhial töŋ cïï Nhialic kɔn yɔ̈ɔ̈k an, “Yïn ee Wëndï, ee köölë Yɛn cï ya Wuur.” Ku akën kɔn lueel aya an, “Yɛn bï ya Wun, Ku Yen abï ya Wëndï.”

Ɣeberuu 10:5

Yen aa lueel ë Kërtho en, ɣɔn bïï Yen ë piny nɔm, go lɛ̈k Nhialic an, “Ka gɛmë ka näk acie kek kɔɔr, ku yen, ee guöp yen aa gämë Yɛn bän aa raan bï ya miɔ̈c näk.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.

Ɣeberuu 5:5

Yen luɔi tɔ̈u en ka kekë Kërtho, aa kën rɔt dhuëëŋ bï rɔt dɔm ke ye Bɛ̈nydïït ë kake Nhialic yetök, ee Nhialic yen aa yöök en an, “Yïn ee Wëndï, ee köölë Yɛn cï ya Wuur.”

1 Jɔn 4:14

Ku acuk tïŋ ku yok cäätɔɔ në tuöc cï Wääda Wënde tuööc bï aa Kony bï kɔc ke piny nɔm kony wëi.

1 Jɔn 4:9

Ëcöökë yen aa le nhiëër ë Nhialic dhek tëde wook, tuöc cï Nhialic Wëndɛn töŋ cï dhiëëth tuööc ë piny nɔm, luɔi bï wo pïïr në yen.

2 Jɔn 1:7

Kɔc juëc ee kɔc math acïk bɛ̈n cath ë piny nɔm, kɔc reec Yecu Kërtho gam nɔn ë bïï yen ke ye raan guöp. Raan ee kɔc math kï, ku ye raan man Kërtho.

Nyuuth 19:13

Ku aceŋ lupɔ ë yekɔ̈u, lupɔ cï juɔɔl ë riɛm: ku rinke acɔlke Jam ë Nhialic.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden: