Jeremia 9:24 - JAM DE NHIALIC 2011

²⁴ Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Jeremia 9:24 ပူးပေါင်းရင်းမြစ်များ

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 34:2

Abä piɔɔny në biäk de kë cï looi, piɛŋkï wedhie wek kɔc cï yɔŋ ku miɛtkï piɔ̈ɔ̈th!

Diɛt 34:3

Luɛɛlkï dït de Bɛ̈nydït në yɛn ëtök, piɔnyku rinke ëtök!

Diɛt 44:8

Wo bï Nhialic piɔɔny ë ceŋ, Yïn buk lɛ̈k rin thieithieei aɣet athɛɛr.

Diɛt 44:9

Ku ënɔɔnë Yïn cï wo rɛɛc ku tɔ wo tiam, Yïn cie bɛ lɔ biic wekë rem de tɔŋda.

Diɛt 51:1

Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Diɛt 99:4

Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

Yith 20:5

Kɔc cï aŋäthden tääu në Ethiopia guöp, ku leckï kenïïm në biäk de Rip, abïk gup riɔ̈ɔ̈c ku jäl aŋäthden.

Yith 41:16

Abäk ke wɛɛr ë yomic, abïï yom ke gap wei, ku jɔ amaŋdït ke riäär piny. Ëtɛ̈ɛ̈n wek bï piɔ̈ɔ̈th jɔ miɛt në biäk ee Yɛn Nhialicdun, wek bï Yɛn piɔɔny, yɛn Nhialic Ɣeric de Yithriɛl.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Jeremia 22:16

Ee kɔc kuanynyïïn luök kaken, go käŋ piath ë yen kedhie. Yen kën ee ye nyuɔɔth ka nɔn ŋic ë raan Bɛ̈nydït.

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Romai 5:11

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.

1 Kor 1:31

abï ciët man cï e gɔ̈ɔ̈r an, “Raan ee rɔt leec, ke lec rɔt ë Bɛ̈nydïtic.”

2 Kor 10:17

Cït man cï këcïgɔ̈ɔ̈r ye lueel an, “Ku raan ee rɔt leec, ë ye rɔt leec ë Bɛ̈nydïtic.”

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Galatai 6:14

Ku yɛn, lɛc bän rɔt leec aliu ëtaiwei, ee këde tim cï rïïu nɔm etök, tim de Bɛ̈nydan Yecu Kërtho, raan cï ka ke piny nɔm tɔ piëëtë ëtim kɔ̈u tëde yɛn, ku piëëtë ya ë tim kɔ̈u tëde ka ke piny nɔm.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,