Jeremia 9:21 - JAM DE NHIALIC 2011

²¹ Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Jeremia 9:21 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Yith 40:30

Ayï dhuök ayek kɔ̈c, kɔc dhuök aduëërkï wïïk në bäp.

Jeremia 15:7

We ya wiɛɛu ë yomic cï wal, ë wuöt ke pinydun ëbɛ̈n. Kɔckï wek cä riɔ̈ɔ̈k, ku näk mïthkun, në biäk kën wek kuɛɛrkuön rac pɔ̈l.

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 44:7

“Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Jeremia 50:30

Ka dhuökke abïk keek nɔ̈k në kuɛɛr ke pänydït yiic, ku remdɛn ë tɔŋ ëbɛ̈n abïï riɔ̈ɔ̈k ee köölë. Acä lueel, Yɛn Bɛ̈nydït.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Jeremia 7:33

Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jowɛl 2:9

Ayek pänydït bäk, ku riŋkï në kalde nɔm, ayek ɣööt ruec nïïm, ku tëkkï në awëër nyïïn cït man ë cuɛ̈ɛ̈r.

Amoth 5:2

Yithriɛl nyan kën kɔn yök ke moc ë wïïk, acïï rɔt bï bɛ lëu në jöt! Acï pɔ̈l adhɔt piny, ke cïn raan jɔt e nhial.

Amoth 6:9

Na de röör cï döŋ apïïr baai kathiëër, abïk ŋoot ke ke thou.

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.