Jeremia 9:17 - JAM DE NHIALIC 2011

¹⁷ Acïï Bɛ̈nydït de rɛm lueel an, “Ye kë loi rɔt looi tak! Calkï kɔc ee dhiau bïk bɛ̈n, calkï diäär ee din ë dhiëëu kiit.”

Jeremia 9:17 ပူးပေါင်းရင်းမြစ်များ

2 Lëk 35:25

Go Jeremia diɛt ke dhiëëu cak në këde thon ë melik Jothia. Agut cï ee köölë kɔc ke Yithriɛl, röör ku diäär ayek diɛt ket dhiëëu kek en. Ku dinë aaye yök në diɛt ke dhiëëu cï ke määt yiic.

Jop 3:8

Adï cï läm aciɛɛn në kɔc ee akööl cieen në riɛl duëër kek ŋuäl dït tɔ bɔ̈ bei.

Wɛ̈ɛ̈t 12:5

Ee jɔ riɔ̈ɔ̈c në lɔ në ɣään thöny, ku ye riɔ̈ɔ̈c në cäth ë kuɛɛriic, ku ee nɔm biöör ke luɔu cït tim alemon cï gaak moc, ku cït gɔn cath ke thuet rɔt, ku mɛ̈l në ka yepiɔ̈u ke kɔɔr ëbɛ̈n, raan alɔ ɣön bïï lɔ cieŋ athɛɛr. Ku ëtɛ̈ɛ̈n kɔc ë dhiau abïk piny wil ke ke dhiau ë kuɛɛriic.

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Edhekiɛl 27:2

“Mɛnh ë raan, kɛ̈të din de dhiëëu Tayer,

Edhekiɛl 32:16

Ku yen ee jänyë abï rɔt puk ke ye din ë dhiëëu. Abïï ë diäär ke juöör aa ket ke ye din dhiëëu kek Rip kekë kɔcke kedhie. Acä lueel, Yɛn Bɛ̈nydït Awärjäŋ.”

Amoth 5:1

Piɛŋkï dinë, baai de Yithriɛl, piŋ din dhiëëu Ɛn yïn arëët.

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Math 9:23

Na wën, acï Yecu bɛ̈n ɣön ë bɛ̈ny awën, ke tïŋ kɔc ë kɛŋ kooth ku kut ë kɔc awou,

Mak 5:38

Gokï bɛ̈n ɣön ë bɛ̈ny ë luaŋ de Nhialic, go kɔc tïŋ acïk nuɔɔn, adhiaukï ku kïïukï.