Jeremia 9:15 - JAM DE NHIALIC 2011

¹⁵ Ka ënɔɔnë jakï kë bä looi piŋ, Yɛn Bɛ̈nydït de rɛm, Nhialic de Yithriɛl. Yɛn bï kɔckï gäm wɛ̈ɛ̈l kec bïk cam, ku gäm ke wurïï bïk dek.

Jeremia 9:15 ပူးပေါင်းရင်းမြစ်များ

Diɛt 60:3

Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Diɛt 80:5

Yïn cï wook gäm jiɛth de piɔ̈u buk cam, ku cumdïït de pïïu ke nyin buk dek.

Yith 2:17

Dït enɔm de mɛnh ë raan abï tɔ kääc, ku riäk lɛcden. Yiëth ye lam abïk määr taitai,

Yith 2:22

Duökï aŋäth ee tääu në raan ee thou guöp. Eeŋö yen ee piathden?

Jeremia 23:15

“Ku kë luɛɛlkï, Yɛn Bɛ̈nydït de rɛm, në biäk de tït ke Jeruthalem: Abä keek gäm wɛ̈ɛ̈l kec bïk cam, ku wurïï bïk dek, në biäk cï kek, wɛ̈ɛ̈t cïn yic Nhialic wɛ̈ɛ̈t ë baai yic ëbɛ̈n.”

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 49:37

Yɛn bï kɔc ke Eelam tɔ riɔ̈c në kɔc ke aterden, kɔc kɔɔr bïk keek nɔ̈k. Në agönhdiën dït Yɛn bï kɔc ke Eelam riɔ̈ɔ̈k ku tuöc keek remdïït de tɔŋ agut të bän keek cuöth bei.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Dhiëëu 3:15

Acïk a gäm nuan tuc thok ke ee këcam kekë pïïu.

Dhiëëu 3:19

Täŋ yan arɛɛmdï tak, ku ciën ciën ɛn nɔm piny, acït wurïï kec.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 29:18

Dɔ̈tkï apiɛth nɔn bï yen ciën moc, ayï tik, ayï baai, ayï dhiën, në kɔc kääc ee në ee köölë bï rɔt wɛl wei në Bɛ̈nydït Nhialicda bïï yiëth ke juöör kɔ̈k lɔ lam. Kënë abï ciët mei ee luɔk ke kec ku bïï mïth ke awɔɔk.

Nyuuth 8:11

ku rin ke kuel acɔl wɛ̈ɛ̈l kec, go baŋ töŋ de piëëu ëbɛ̈n baŋ wën ee kek diäk jɔkï guɔ aa wɛ̈ɛ̈l kec: go kɔc juëc thou në piëëu, në kɛc cï ke tɔ kec.