Jeremia 9:14 - JAM DE NHIALIC 2011

¹⁴ Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Jeremia 9:14 ပူးပေါင်းရင်းမြစ်များ

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Jop 9:18

Acakaa kaam thiin ë wëi acie päl ɛn, ka pïïrdï kën kɛc?

Jeremia 11:8

Ku akënkï piŋ ku akënkï Ya riëëu. Ŋɛk acï bɛ̈n ŋoot ke ril nɔm cï mandɛn wään. Ku Acä ke yɔ̈ɔ̈k bïk lööŋkï döt, ku acïk jaai. Aguɔ keek yiɛ̈n katuc cï lueel ë löŋic.”

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 16:12

Ku wek cï kërɛɛc wär kërɛɛc de kuarkun looi, Week wedhie wek rilnïïm ku rackï, ku wek cïï Yɛn ee riëëu.

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 23:15

“Ku kë luɛɛlkï, Yɛn Bɛ̈nydït de rɛm, në biäk de tït ke Jeruthalem: Abä keek gäm wɛ̈ɛ̈l kec bïk cam, ku wurïï bïk dek, në biäk cï kek, wɛ̈ɛ̈t cïn yic Nhialic wɛ̈ɛ̈t ë baai yic ëbɛ̈n.”

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Dhiëëu 3:15

Acïk a gäm nuan tuc thok ke ee këcam kekë pïïu.

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Galatai 1:14

ku yɛn ë kɔc juëc rïïc wok wöör në läm de Judai, luɔi aa yɛn yic lɛ̈th aläl ka wäär keek në ciɛɛŋ thɛɛr ë kuarkuɔ.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,