Jeremia 8:22 - JAM DE NHIALIC 2011

²² Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Jeremia 8:22 ပူးပေါင်းရင်းမြစ်များ

Cäk 37:25

Na wën, aŋootkï ke ke cäm, ke ke go kɔc ke Yicmiɛl tïŋ abɔ̈ në thɔ̈rɔ̈lken. Ku thɔ̈rɔ̈lken aake ɣɛ̈ɛ̈c adök, ku wɛ̈ɛ̈l cɔl baam ku mer, aa leerkï keek paan ë Rip.

Cäk 43:11

Ago wuönden lɛ̈k keek an, “Na ee täude ka, ke we nöm kapiɛth cï luɔk pinydanë, ku yiɛ̈nkï keek bɛ̈ny ë Rip ke ye miɔ̈cde. Nɔ̈mkï këthiin ë baam, ku nɔ̈mkï kiëc thiinakäŋ, ku lɔ adök, ku mer, ku mïth miit ke tim cɔl pithaaciyo, ku almon.

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 46:11

Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 51:8

Babilonia ë guɔ wïïk ëthiäu, ku acï riɔ̈ɔ̈k! Dhiëëukï Babilon! Lak käärkï tëtöökke wal ë baam, tɛk däŋ bïk dem.

Jeremia 6:7

Cït man ye yith pïïu piɛth ke muk, yen aye Jeruthalem kërɛɛcde muk apiɛth. Yɛn akuöörkuöör ku riääk piŋ ë pänydït yic, jɔk ku tëtöök ee kek ya tïŋ ëbɛ̈n.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Edhekiɛl 27:17

Juda kekë Yithriɛl ayek kakun ɣɔɔc në agamɔ, ku miök de olip, ku miök de kiëc, ku wal ŋïr.

Kuɛ̈n 32:1

Ënɔɔnë wɛ̈ɛ̈t ke dhiën ë Ruben, kekë dhiën ë Gad, ye kɔc de ɣɔ̈k ku thök juëc. Na ɣɔn aa cïk ye tïŋ ke piny de Jadher kekë Giliyad ee piny piɛɛth de ɣɔ̈k,

Luk 8:43

Ku tik anu, tiiŋ ë cool ë kuëër ë riɛm ë run kathiëër ku rou, ku acï wëuke thöl kedhie riɔp en akïm, ku acïn akïm töŋ cï e lëu.