Jeremia 7:34 - JAM DE NHIALIC 2011

³⁴ Piny abï aa jɔ̈ɔ̈r. Ku Yɛn bï awuɔɔu de miɛtëpiɔ̈u, ku diɛt piɛth ke dhuëëŋ de monythiëk ku nyan thiak, abä keek tɔ kääc në pɛ̈ɛ̈nydït ke Juda ku kuɛɛr ke Jeruthalem yiic.

Jeremia 7:34 ပူးပေါင်းရင်းမြစ်များ

Jop 3:7

Ee yen, adï jɔ ë wɛ̈ɛ̈rë ciët dom cï dhiai, ku cïï kiɛɛu de miɛt ë piɔ̈u be piŋ thïn.

Diɛt 78:63

Dhuökken acï keek nɔ̈k ë tɔŋic, ku diäär kor acïn raan töŋ thiak keek.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 16:9

Piŋ kë lueel ë Bɛ̈nydït de rɛm, Nhialic de Yithriɛl. Yɛn bï röl de dhuëëŋ ku miɛtëpiɔ̈u de monythiëk ku nyan thiak miɛɛm. Kɔc abïk pïïr ee tënë në biäk bïï kek ee kakë tïŋ.

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 25:10

Yɛn bï diɛtkɛn ke miɛtëpiɔ̈u tɔ lɔ lik kekë awuɔɔu ë miɛtëpiɔ̈u ë dhuëëŋ de monythiëk ku nyan thiak. Abïk nïïm ciën miök de mɛ̈ckealath, ku abï ciën rap.

Jeremia 27:17

Duökï jamden piŋ! Luööikï melik de Babilonia ku we bï pïïr! Eeŋö duëër ee pänydït tɔ ee dhuur nɔm?

Jeremia 33:10

Go Bɛ̈nydït lueel an, “Aye kɔc lueel an tënë acït jɔ̈ɔ̈ric, an acïn kɔc ayï läi rɛ̈ɛ̈r thïn. Ku këden ee yic, wuöt ke Juda ku kuɛɛr ke Jeruthalem acïnkï yiic kɔc, acïn kɔc ayï läi rɛ̈ɛ̈r thïn. Ku në ee ɣäänkë yiic yïn bï

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 4:26

Piny wään ee luɔk acï rɔt puk ke ye jɔ̈ɔ̈r, pɛ̈ɛ̈nydïtke acï ke riɔ̈ɔ̈k në biäk de agönh tuc de Bɛ̈nydït.

Jeremia 4:27

(Aa cïï Bɛ̈nydït lueel nɔn bïï piny nɔm aa dhuur, ku lueel nɔn cïï Yen en bï riɔ̈ɔ̈k taitai.)

Jeremia 44:6

Yeka cän agönhdï ku jiɛthëpiɔ̈ndï wäl ë pɛ̈ɛ̈nydït ke Juda yiic ku kuɛɛr ke Jeruthalem yiic, ku nyuɔp ke në mac. Acïk döŋ ke ke cï riääk, agut cï ee köölë.

Dhiëëu 5:14

Kɔcdït acïkï ee bɛ rɛ̈ɛ̈r në kal de wut thok, ku dhuök acïkï thom ee bɛ gut.

Edhekiɛl 26:13

Yɛn bï diɛtkun tɔ päl ëbɛ̈n, ku ta thoomkuön yak keek gut tɔ lɔ lik.

Edhekiɛl 7:11

Akuöörkuöör luɔi de karɛc bɛ̈ɛ̈i. Acïn këdɛn bï döŋ, acïn kajuëckɛn bï nu, ayï kakɛn ke dhuëëŋ, ku diɛk abïk liu.

Ɣodh 2:11

Ku akööl ke dhuëŋken ëbɛ̈n, abä ke tɔ kääc kedhie. Dhuëŋ ke ruöön, ku dhuëëŋ de wil ë pɛɛi, ayï dhuëëŋ de Thabath, ku jɔ aa yen dhuëŋ cïk mäc röt ëbɛ̈n.

Ɣodh 2:13

Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Maika 7:13

Ku piny abï ya jɔ̈ɔ̈r, në biäk cïï kɔc cieŋ en kërac looi.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”