Jeremia 7:33 - JAM DE NHIALIC 2011

³³ Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Jeremia 7:33 ပူးပေါင်းရင်းမြစ်များ

Yith 18:6

Gup ke rem ë tɔŋden abïï ke päl diɛt nhial ku läi roor. Abï diɛt ke ŋueet mɔ̈i ku ciɛm läi keek rut.”

Jeremia 12:9

Kɔckiën cä lɔc acïk ciët dit, din cï ë lith gɔ̈p në aguuk kedhie. Calkï läi roor bïk bɛ̈n cam ë këcamdït!

Jeremia 14:16

Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 15:3

Acä guiir Yɛn Bɛ̈nydït nɔn bïï karil yiic kaŋuan rö luöi keek: Abï keek nɔ̈k në abätäu, gupken abïï jɔ̈k keek thɛl wei, abïï diɛt keek ŋueet, ku läi roor abïk ka cï döŋ cuet.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 22:19

Täuden piɛth, abï thɛl wei cï mul cï thou, ku cuɛtë wei ë kal ë Jeruthalem thok.”

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Edhekiɛl 29:5

Yïn bä cuat wei në jɔ̈ɔ̈ric wekë rec cï röt pat ë yïguöp ëbɛ̈n. Guöpdu abïï dhɔt piny ke cïn raan tɔ̈ɔ̈u en. Abä tɔ cuet ë läi roor ku ŋueet diɛt ke ye këcamden.

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Nyöŋ 28:26

Të la wek thou, diɛt ku läi roor abïk bɛ̈n bïk rïŋkun bɛ̈n cuet, ku abï ciën raan ee keek tuur ëtɛ̈ɛ̈n.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.