Jeremia 7:32 - JAM DE NHIALIC 2011

³² Ka akööl abïk bɛ̈n, akööl cïï ke yen bï bɛ aa cɔɔl an Topeth, ku nɔn ee Wak de Ɣinom, ku abï cɔl Wak de Tëm ë röl. Abïk kɔc tɔ̈ɔ̈u ëtɛ̈ɛ̈n, në biäk bï yen ciën tëdäŋ bïï ë keek tɔ̈ɔ̈u thïn.

Jeremia 7:32 ပူးပေါင်းရင်းမြစ်များ

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

Jeremia 19:11

Ku abä lɔ lɛ̈k keek an acïï Bɛ̈nydït de rɛm lueel an, “Yɛn bï ee kɔckë dhoŋ kɔ̈ɔ̈th ku dhuɔŋ ee pänydïïtë piny, ku abï ciët gul de tiɔp cï dhuɔɔŋë, gul cïï duëërë bɛ matic. Kɔc abïk kɔckɛn cï thou aa tɔ̈ɔ̈u ayï Topeth yic, në biäk bïï yen ciën të bï ë keek tɔ̈ɔ̈u thïn.

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 19:2

ku bä lɔ në kueer ë kal Thoŋ ë Potoced të lɔ bäny ë Ɣinom. Ku yɛn bï jam bïï gäm yɛn jɔ lueel ëtɛ̈ɛ̈n.

Jeremia 19:6

Ka ënɔɔnë akööl abïk bɛ̈n, akööl cïï ee tënë bï bɛ aa cɔl Topeth ku nɔn ee wak de Ɣinom. Abïï cɔl Wak de Tëm de Röl.

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Edhekiɛl 6:4

Yïk abïï ke wɛɛr piny, ku dhoŋ yïk ke wal ŋïr. Kɔc tɔ̈u ëtɛ̈ɛ̈n kedhie abïï ke nɔ̈k në yiëthken nïïm.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.