Jeremia 7:26 - JAM DE NHIALIC 2011

²⁶ Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Jeremia 7:26 ပူးပေါင်းရင်းမြစ်များ

1 Mel 14:22

Kɔc ke Juda acïk awäc looi në Bɛ̈nydït nɔm, kënë ë Bɛ̈nydït tɔ göth ke keek, awär agönhde ke kuarken ɣɔn cï kek wäc.

1 Mel 14:9

Yïn cï kërɛɛcdïït wär kërɛɛc ë kɔc ë cï kɔn aa bäny në yïnɔm tueŋ looi. Yïn ë Ya rɛɛc ku tɔ Ya göth në këde yanhduön cï looi, ku wënh cï thɔ̈ɔ̈th bä ya lam.

2 Mel 17:14

Ku keek acïkï ee piŋ, acï kenïïm tɔ ril cï kuarkɛn ɣɔn kën Bɛ̈nydït Nhialicden gam.

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 33:10

Na cakaa wään cïï Bɛ̈nydït Manatha kekë kɔcke jɔ̈ɔ̈ny, gokï ŋoot ke ke cïï pïŋ.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 48:4

Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Jeremia 11:8

Ku akënkï piŋ ku akënkï Ya riëëu. Ŋɛk acï bɛ̈n ŋoot ke ril nɔm cï mandɛn wään. Ku Acä ke yɔ̈ɔ̈k bïk lööŋkï döt, ku acïk jaai. Aguɔ keek yiɛ̈n katuc cï lueel ë löŋic.”

Jeremia 16:12

Ku wek cï kërɛɛc wär kërɛɛc de kuarkun looi, Week wedhie wek rilnïïm ku rackï, ku wek cïï Yɛn ee riëëu.

Jeremia 17:23

Kuarken akënkï jamdï piŋ, ku cïn këden yic thïn ë yen. Acïk nïïm bɛ̈n riɛl, akënkï ya riëëu ku cïkkï wɛ̈ɛ̈t tëde Yɛn.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 22:21

Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 25:7

Ku acï Bɛ̈nydït lueel guöp, nɔn cä wek këde rɛɛc piŋ. Acäk tɔ göth në yiëthkun ku bɛ̈ɛ̈ikï luɔi bïï ë këtucde looi ë wegup.

Jeremia 26:5

ku luɔi bä wek jam tït kɔc ee Yɛn luööi piŋ, kɔc Ya ke cool ë tuöc ke week. Wek kën këdɛn yek lueel kɔn riëëu.

Jeremia 29:19

Kënë abï rɔt luöi keek ë biäk kën kek jam piŋ, jam wään ya tuöc keek në kueer de tït kɔckiën ee Ya luööi. Acïk pïŋ rɛɛc.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 34:14

në run kadhorou cök abïk lïïm ke Ɣeberuu ëbɛ̈n aa gäm nɔm lääu, lïïm cï lui ë run kadhetem. Ku kuarkun akënkï këdiën cä lueel gam ku cïkï jamdï piŋ.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Jeremia 6:17

Na wën ke Bɛ̈nydït ë lɔc raan bï aa tïït, raan bï kaaŋ de jäny aa kooth. Gokï lueel an, “Wok cïï bï piŋ.”

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 9:13

Go Bɛ̈nydït bɛ̈ɛ̈r an, “Kënë aa loi rɔt në biäk cïï kɔckï wëët cä gäm keek nyääŋ piny. Akënkï ya riëëu, ku akënkï kë cä lëk keek riëëu.

Edhekiɛl 12:2

“Mɛnh ë raan, yïn rɛ̈ɛ̈r we kɔc cï löŋ rɛɛc. Keek adekï nyïïn, ku acïn kë yek tïŋ, adekï yïth, ku acïn kë yek piŋ, në biäk cï kek löŋ rɛɛc.

Edhekiɛl 12:3

“Ënɔɔnë, Mɛnh ë raan, dut nɔm de wal ke yï cït man ë raan kɔɔr tëde thiaan, ku jël ke piny ë kën guɔ cuɔl. Tɔ rɔt tïŋ ë raan ëbɛ̈n, ke yï jël ke yï jël ke yï lɔ tëdäŋ pei. Tɛk däŋ bï kɔc reec löŋë yï ŋic, ku tɛk däŋ bïk ŋic nɔn ye kek kɔc reec löŋ.

Edhekiɛl 20:30

Ënɔɔnë lɛ̈kë baai de Yithriɛl kë lueel ë Bɛ̈nydït Awärjäŋ: eeŋö bä wek aa wäc në awäny wään cï ë kuarkun kɔn looi, ku riɛŋkï në yiëthken cök?

Danyel 9:6

Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Dhek 7:11

“Go kɔckï kenïïm thiöök, ku reeckï jamdï piŋ.

Malakai 3:7

Wek ë lööŋkï rɛɛc, ku cäkï keek döt, gɔl në kuarkun alee guut ë week. Puɔ̈kkï wenïïm Ɛn, ku Yɛn bï Yanɔm puɔ̈k week. Ku wek ee bɛ lop an, ‘Buk wonïïm puk adï?’

Math 21:38

Ku të cïï kɔc ee dom tiit wënde tïŋ, ke luelkï kapäc an, ‘Wën bï käŋ lɔ̈ɔ̈k lak kï, bäk näkku, agoku këdɛn an, bï lɔ̈ɔ̈k lak, agoku nööm bïï aa këda!’

Math 23:32

Kën ë ye kuarkun them, jakï thiɔ̈ɔ̈ŋ nɔm week.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.