Jeremia 7:25 - JAM DE NHIALIC 2011

²⁵ Gɔl ëkööl ɣɔn bɛ̈ɛ̈i Ɛn week bei ë Rip agut cï ee köölë, Yɛn ee cool ë tuc week lïïmkï, tït ke Nhialic.

Jeremia 7:25 ပူးပေါင်းရင်းမြစ်များ

2 Lëk 24:19

Go Bɛ̈nydït keek tuöc tït bï keek lɔ jɔ̈ɔ̈ny agokï röt pɔ̈k yen, go kɔc bɛ̈n jaai ku cïkï piŋ thok.

2 Lëk 36:15

Go Bɛ̈nydït Nhialic de kuarken, bɛ̈n ŋoot ke ye tït tooc bïk kɔcke lɔ jɔ̈ɔ̈ny, në biäk kɔɔr en bï yen keek kony ku kony Luaŋdït.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 25:4

Wek kën këde piŋ, ku cäkkï gɔkic, cakaa nɔn ye Bɛ̈nydït ŋoot ke tuc week tïtke kɔc ee Yen luööi.

Jeremia 29:19

Kënë abï rɔt luöi keek ë biäk kën kek jam piŋ, jam wään ya tuöc keek në kueer de tït kɔckiën ee Ya luööi. Acïk pïŋ rɛɛc.

Jeremia 35:14

Mïth ke wɛ̈ɛ̈t ke Jonadap acïk lööŋke riëëu luöi cïï kek mɔ̈u bï aa dek, agut cï ee köölë acïn raan töŋ ee mɔ̈u dek ë keyiic, ë biäk cï kek löŋ de wuönden döt. Ku Yɛn ee cool ke ya jam wo week, ku wek kën Ya riëëu.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 44:4

Ku wek ya cool ë tuöc Yɛn week tïtkï kɔc ee Yɛn luööi, kɔc ee we yɔ̈ɔ̈k an, duökï karɛc maan keek ee looi.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Edhekiɛl 2:3

“Mɛnh ë raan yïn bä tuöc kɔc ke Yithriɛl. Jur cï a rɛɛc ku lek kenïïm pɔ̈k ɛn ku aŋootkï ke ke reec ɛn, cït man ɣɔn tɔ̈u ë kuarken.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Ɣodh 12:10

“Yɛn ë cï jam wokë tït ke Nhialic, ku gäm keek nyuuth juëc. Ku jääm kɔc ke Yithriɛl në kɛ̈ŋ, në liëp ke tït ke Nhialic.

Amoth 2:11

Yɛn cï wɛ̈ɛ̈tkun kɔ̈k tɔ ye tït ke Nhialic, ku ta kɔ̈k ee ayuul ke Nhialic cï kuëëŋ ku gëmkï röt ɛn. Kë lɛ̈k week cie yic, wek kɔc ke Yithriɛl? Kë cïï Bɛ̈nydït lueel ka.

Malakai 3:7

Wek ë lööŋkï rɛɛc, ku cäkï keek döt, gɔl në kuarkun alee guut ë week. Puɔ̈kkï wenïïm Ɛn, ku Yɛn bï Yanɔm puɔ̈k week. Ku wek ee bɛ lop an, ‘Buk wonïïm puk adï?’

Luk 11:49

Yen a lueelë Nhialic En në pɛl ë yenɔm an, ‘Yɛn bï tït tuöc keek ayï tuuc, ku abïk kɔc kɔ̈k ë keek nɔ̈k abïk thou, ku yɔŋkï kɔ̈k.’

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.