Jeremia 7:21 - JAM DE NHIALIC 2011

²¹ Kë lueel ë Bɛ̈nydït de rɛm, Nhialic de Yithriɛl kï an, “Yak miɔ̈c ye nyop ëbɛ̈n mat në miɔ̈c näk kɔ̈u, ku camkï rïïŋ ëbɛ̈n.

Jeremia 7:21 ပူးပေါင်းရင်းမြစ်များ

Diɛt 50:8

Ku wek cä ye jɔ̈ɔ̈ny në biäk de miɔ̈cduön ye nɔ̈k kekë miɔ̈c ye nyop ëbɛ̈n yak cool ë bɛ̈ɛ̈i wek keek në Yanɔm.

Yith 43:23

Yïn aacïï Yɛn ee yiɛ̈n amɛ̈l ke miɔ̈c ye nyop ëbɛ̈n, wek kën Ya dhuëëŋ guöp në miɔ̈c ye nɔ̈k. Wek kën jut gup bä miɔ̈c thiëëc tëde week nɔn ta we bäb në thiëc de wal ŋïr.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Edhekiɛl 33:25

“Lɛ̈kë keek kë luɛɛl Yɛn Bɛ̈nydït Awärjäŋ: Wek ee rïŋ cuet ke riɛm ë ŋoot thïn. Wek ee yiëth lam. Wek ee kɔc nɔ̈k. Eeŋö ee week tɔ täk nɔn ye piny këdun?

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Nyöŋ 12:27

Yak miɔ̈c näk gam ëtɛ̈ɛ̈n, miɔ̈c ye nyop ëbɛ̈n në yïïŋ de Bɛ̈nydït nɔm, ku yak miɔ̈c bä wek rïïŋden cam ayadäŋ, ku bäk riɛmden wäl wei.