Jeremia 6:6 - JAM DE NHIALIC 2011

⁶ Bɛ̈nydït de rɛm acï meliikë yɔ̈ɔ̈k bïk tiim yep ku yïkï thɔc bïï kek Jeruthalem tuɔɔk. Acï lueel an, “Yɛn bï ee pänydïïtë luöi këtuc në biäk cï yen yic thiäŋ kekë yaaŋ.

Jeremia 6:6 ပူးပေါင်းရင်းမြစ်များ

Yith 37:33

“Kë cïï Bɛ̈nydït lueel kï në biäk de melik de Athiriya. ‘Acïï pänydït bï käcic, ku nɔn mocic në winh töŋ de dhaŋ, ku acïn rem de tɔŋ muk kööt bï tëëk ë pänydït këc, ku cïï kal ë pänydït bï wil kɔ̈u biic në thɔny dïït cï geeu.

Jeremia 20:8

Të ee yɛn jam yɛn ee dhiau ë röldït ku kiɛɛu an, “Akuöörkuöör! Riääk!” Bɛ̈nydït yɛn ye dɔl guöp, ku biɔn yɛn guöp në biäk yan jamdu lueel.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 32:31

Kɔc ke pänydïïtë acïk Yɛn tɔ diu piɔ̈u gɔl ëkööl ɣɔn yïk ë yen. Acä dhel nɔn bän yen riɔ̈ɔ̈k

Jeremia 33:4

Yɛn Bɛ̈nydït Nhialic de Yithriɛl, aya lueel an ɣööt ke Jeruthalem ku ɣön de bääny de Juda abïï ke jäp piny në biäk cï ë keek gɛɛu cil ku mɛk.

Jeremia 39:1

Në pɛɛi de thiëër në ruöön de dhoŋuan, wään ye Dhedekia melik de Juda, go Nebukadnedhar melik de Babilonia bɛ̈n kekë remdɛn ë tɔŋ ëbɛ̈n ku mɛk Jeruthalem.

Jeremia 5:29

“Ku Yɛn Bɛ̈nydït, abäk keek luöi këtuc në biäk ee kakë, Yɛn bï rɔt guöör në ee jurë.

Jeremia 5:9

Cä keek duëër luöi këtuc në biäk de ee kënë, ku ja guur looi në jur cït ee kënë?

Edhekiɛl 4:2

Ku tääuwë gɛ̈u në kal kɔ̈u, ku wec puöl, ku tiɔp, ku pɛɛny ku nyök ke amɛ̈l riŋ në yelɔ̈ɔ̈m.

Edhekiɛl 5:5

Acïï Bɛ̈nydït Awärjäŋ lueel an, “Tiëŋkï Jeruthalem. Acä tääu ë juöör yiic cil, ku jɔ piiny kɔ̈k tɔ̈u ë yelɔ̈ɔ̈m ëbɛ̈n.

Danyel 11:15

Ka melik de Thiriya abï pänydït cï gël gɛɛu cil ku peec. Rem de tɔŋ de Rip acïkï tɔŋ bï cuuth, ayï kɔc ril në keyiic acïkï nïïm bï dɛ riɛl.

Dhep 3:1

Amawoou në Jeruthalem ril nɔm, pänydïït ee kɔcke yɔŋ yetök.

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.