Jeremia 6:25 - JAM DE NHIALIC 2011

²⁵ Wok cï riɔ̈ɔ̈c në lɔ wut këc ayï cäth ë kuɛɛr yiic, në biäk cïï kɔc ke aterda abätäu nööm ku dɔm riɔ̈ɔ̈c wook.”

Jeremia 6:25 ပူးပေါင်းရင်းမြစ်များ

2 Lëk 15:5

Në ee runkë yiic acïn raan duëër cath ë läŋ, në biäk cï piny nɔm thiäŋ kekë agööth ku anuɔɔn.

Jop 18:11

Kak ee kɔc riääc ëbɛ̈n acïk en tuɔɔk, acopkï yen cök ka cïk thiɔ̈k në yen.

Diɛt 31:13

Yɛn cï lɛ̈t juëc piŋ, yɛn ye guääk alɔ të cän a nɔm wɛl thïn. Ayek kiɛɛr rac luöi yɛn, kiɛɛr bïï kek a nɔ̈k.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 30:5

“Yɛn cï dhiën ë riɔ̈ɔ̈cdït piŋ, dhiën de riɔ̈ɔ̈c ke cie dhiën de mät.

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Jeremia 4:5

Kuɔthkï kɛŋ në baai yic ëbɛ̈n! Wuɔukï në röldït lɔ gɔk! Lɛ̈kkï kɔc ke Juda kekë Jeruthalem bïk kat ke ke lɔ në pɛ̈ɛ̈nydït cï gël yiic.

Jeremia 46:5

Go Bɛ̈nydït thiëc an, “Ku eeŋö wɔi? Apukï röt ciëën ë riɔ̈ɔ̈cdït. Remdɛn de tɔŋ acï ke cuɔp ciëën acïï riɔ̈ɔ̈c ke thööŋ, ariŋkï aläldïïtë, ku acïkï kekɔ̈ɔ̈th ee lieec.

Jeremia 49:29

Dɔm pɛɛnyken ku thökken, ku lupɔɔ ke pɛɛnyken ku ka tɔ̈u ë pɛɛnyken yiic. Nöm thɔ̈rɔ̈ɔ̈lken ku lëkkë kɔc an, ‘Riɔ̈ɔ̈cdït acï we gɛɛu cil!

Jeremia 49:5

Yɛn bï riɔ̈ɔ̈cdït yiɛ̈n week në aguuk kedhie. Ka wek bï kat wedhie. Ŋɛk abï wëike aa bääk, ku acïn raan bï remduön ë tɔŋ bɛ määt yiic.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Jeremia 8:15

Wok kɔɔr mät ku akööl ke dem, ku aa cïn naamde, ku riɔ̈ɔ̈cdït acï guɔ bɛ̈n.

Dhiëëu 2:22

Yïn cï kɔc ke aterdï cɔɔl, cï kamaan bɔ̈ në dhuëëŋ de këcamic. Acïn raan cï bɛ̈n poth ee köölë, wën cï Yïn gɔ̈th. Acïk mïthkï nɔ̈k, mïthkiën cä muk ku nhiaarke.

Edhekiɛl 21:17

Yɛn aya yɛn cï yaciin pam, ku agönhdï abï jɔ thök. Ee yɛn Bɛ̈nydït yɛn ajam.”

Edhekiɛl 7:18

Keek abïk lupɔɔ ke cuɔl tääu në kekɔ̈ɔ̈th ku abï ke lath ëbɛ̈n. Abïï ke muut nïïm, ku abïk gup yäär kedhie.

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.