Jeremia 6:21 - JAM DE NHIALIC 2011

²¹ Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Jeremia 6:21 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Yith 8:14

Në biäk bïï yen aa tëɣeric arëët, Yɛn cït kuur ee kɔc tɔ kɔ̈th, ku Yɛn cït wïn ë dɛ̈p bï kɔc ke ciɛɛŋ de Juda ku kɔc ke ciɛɛŋ de Yithriɛl dɔm ku kɔc ke Jeruthalem.

Yith 8:15

Kɔc juëc abïk kɔ̈th, abïk wïïk ku abï ke duöm piny. Abïï keek dɔm ë wïn ë dɛ̈p.”

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 18:23

Ku Bɛ̈nydït, Yïn ŋic kiɛɛrdɛn kɔɔr kek bïk a nɔ̈k. Du ke pɛ̈l awänyden, ku du kërɛɛcden päl. Wiɛtë keek piny në tiëm cïn ke tiaam, ku luööiyë keek ke yï cï göth.”

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Edhekiɛl 3:20

“Na cï raan piɛth luɔi de piathëpiɔ̈u pɔ̈l ku looi karɛc, ku jɔ yen tääu tërac, abï thou të kën yïn en jɔ̈ɔ̈ny. Abï thou në biäk de karɛcke, yɛn cïï këpiɛth cï looi bï tak, ku yɛn bï gääk de thonde tääu në yïyeth.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Lebai 26:37

Ka abïk kecök aa dɔ̈ɔ̈r kapäc, cït man ë kɔc kɔt në tɔŋ, cakaa të cïn en raan cop keek. Ka we cïï kɔ̈ɔ̈c bï lëu në kɔc ke aterdun nïïm.

Romai 11:9

Go Debid lueel an, “Tɔ pamdɛn ë cäm ee wïn ëdɛ̈p, ku ye kë bï keek aa dɔm, Ayï kë bï keek tɔ kɔ̈th, ayï këdɛn tuc bïk yök!

Romai 9:33

acït man cï e gɔ̈ɔ̈r an, “Tiëŋkï, yɛn ë kuur ë kɔ̈th tuɛɛl ë Dhiɔnic, ku ye kuur dïït ee kɔc tɔ kɔ̈th arëët, Ku raan ëbɛ̈n raan gam en, acïï bï yäär.”

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”