Jeremia 52:7 - JAM DE NHIALIC 2011

⁷ kɛ̈l ke pänydït acï keek bɛ̈n thuur kɔ̈ɔ̈th. Cakaa wään cï ë pänydït geeu në kɔc ke Babilonia, rem de tɔŋ ë Jeruthalem acïk röt bɛ̈n kual wakɔ̈u. Aake tëëk në kueer ë dom de bääny, ku lekkï ë kueer ë kal ee kɛ̈l kaarou rek, ku kɔtkï ke ke lɔ të lɔ wak de Jordan.

Jeremia 52:7 ပူးပေါင်းရင်းမြစ်များ

2 Mel 25:4

Go kɔc kal ë pänydït pïl kɔ̈u, ku kɔt kɔc ee tɔŋ thɔ̈ɔ̈r kedhie ɣɔn akɔ̈u, gokï tëëk në kueer bɔ̈ të lɔ kal thok në kaam ë kɛ̈l kaarou, në kueer ë dom de melik, ke kɔc ke Babilon ë ke cï wut cak tuɔɔk cil, acïk bɛ̈n tëëk ke ke wel kenïïm Araba.

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 39:2

Në kööl de dhoŋuan në pɛɛi ë ŋuan yic, në ruöön ye Dhedekia run thiëër ku tök ke ee melik, kɛ̈l ke pänydït aa cï keek thuur kɔ̈ɔ̈th.

Jeremia 49:26

Acïï Bɛ̈nydït de rɛm lueel an, “Në ye köölë dhuökke abïï keek nɔ̈k ë kuɛɛr ke pänydït yiic, ku riäk remdɛn ë tɔŋ ëbɛ̈n.

Jeremia 51:32

Kɔc ke ater acïk kiir tek wutic peec, ku acïk gëlgël ë pänydït ɣök mac. Ku rem de tɔŋ de Babilonia acïk riɔ̈ɔ̈c arëët.

Jeremia 6:5

Abuk mak wakɔ̈u, wok bïï ɣään cï gël ke pänydït riɔ̈ɔ̈k.”

Edhekiɛl 12:12

Wën melik mac päny keek abï kakɛn cï duut ɣääc në mɔ̈ɔ̈thic ku kuɛl rɔt të ɣɔ̈ɔ̈r cïk wɛ̈c en në päny kɔ̈u. Abï yenyin kum ku acïï të le yen thïn bï tïŋ.

Edhekiɛl 12:4

Të ŋoot ë piny ŋoot ke kën guɔ cuɔl, dut nɔmdu ke yï wel yïnɔm ë pɛ̈cic, agokï yïn tïŋ, ku bïk yïn woi ke yï jël thëën ke yï cït kë lɔ ë pɛ̈cic.

Edhekiɛl 33:21

Në kööl de dhïc, në pɛɛi de thiëër, në ruöön ye run ë peec ë wook thiëër ku rou, aa de raan cï rɔt kual ë Jeruthalem acï bɛ̈n ku lɛ̈k ɛn nɔn cïï pänydït löny.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Amoth 4:3

Ka wek bïï thɛ̈l bei tëthiɔ̈k ë kal kɔ̈u raantök, ku cuɛtë week biic ya në biäk të lɔ rut.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.