Jeremia 52:18 - JAM DE NHIALIC 2011

¹⁸ Ku jɔtkï thiët aya, ku jɔtkï thɛ̈k ye ë ŋeth jok, të nɛpë yïk nɔm, ku kë ye ë manyëalath cuääny, ku guöl ye ke riɛm de lɛ̈n cï nɔ̈k geeny, ku guöl ye ke wal ŋïr nyop, ku lɔ malɔ̈ɔ̈ŋ kɔ̈k ye ë ke lui Luaŋdït, acïk keek jɔt kedhie.

Jeremia 52:18 ပူးပေါင်းရင်းမြစ်များ

1 Mel 7:40

Ɣuram ayadäŋ ë töny looi, ku koreek ye piny kɔ̈ɔ̈th, ku abïïny tööny ke gëm de miaac. Na ɣɔn ciëën ke Ɣuram thöl këriëëc ëbɛ̈n cïï melik Tholomon gäm en në biäk de Luaŋdït. Kake looi kï: Mëën kaarou, Ku guöl kaarou nu në mëën kaarou nïïm, ku kuɛɛt kaarou cï giɛɛt në guöl kɔ̈ɔ̈th, Bot kaŋuan ke tiim ke pomegraneet cï giɛɛt në nyïïn ke kuɛɛtiic nu në gööl kɔ̈ɔ̈th, ku abeer kaarou ke tiim ke pomegraneet ayek nu në kuat nɔ̈ɔ̈k në guöl nu në mën nïïm nhial, Abëël ke pïïu ye thel kathiëër acïï ke thɛ̈k kathiëër tääu në kenïïm, ku acï thïïr në lɔ̈ɔ̈r de pïïu ku miöör kathiëër ku rou. Ku töny ke thät ku thɛ̈k ke miaac. Kek ee kakë kedhie, acïï Ɣuram ke luöi melik Tholomon në maläŋ lɔ wai.

1 Mel 7:50

Abïïny ku manyëalath, ku thɛ̈k thii ke wal ŋïr, ku thɛ̈k ye kɔc kecin piny, ku wëu ɣööt, ku ka ye mac jok, ku thook ke tëɣeric aläl, ku thook ke Luaŋdït. Aake loi keek kedhie në adhäm awai.

1 Lëk 28:17

Ku gɛm lööŋ në biäk ë kuën de adhäm awai bïï thialtuŋ, ku guöl, ku töny thɔ̈ɔ̈th, ku ee kuën de atek ku adhääp cït ŋö bïï ë thɛ̈k ku guöl looi.

2 Lëk 4:11

Go Ɣuram töny, ku thialtuŋ, ku guöl looi. Acï ka wään cï keek lɛ̈k melik Tholomon an bïï ke looi ë biäk de yïŋ de ɣön ë Nhialic thöl ë luɔi: Wai kaarou ku guöl, muuk kaarou nu ë wai nïïm, ku akuum kaarou bï ë guöl kum nɔm ë muuk nïïm nhial aber ke pomegraneet bïï ë guöl kaarou kum ë muuk nïïm nhial Ku bot kaŋuan de pomegraneet de maläŋ në aber ee yic rou abëël kathiëër thɛ̈k kathiëër Lɔ̈ɔ̈r de pïïu, miöör kathiëër ku rou kony biäk piny. Töny, ku pur, ku thialtuŋ, ku lɔ kajuëc kɔ̈k ke luɔi, acï Ɣuram keek luöi melik Tholomon në biäk bïï ë Luaŋdït yïk, aake looi ë maläŋ awai.

2 Lëk 4:22

ku ka ye mɛ̈c kɔ̈l, ku aduuk, ku guöl, ku thɛ̈k ye wal ŋïr nyop thïn, ku thaaŋ ye many dɛ̈p muk thïn. Keek kedhie aake loi keek në adhäm awai. Ku biäk biic de Luaŋdït, ku athïn ee lɔ tëɣeric aläl acï ke rɔɔth në adhääp.

2 Lëk 4:8

Ku tɔ pɛɛm kathiëër loi ku tɛ̈ɛ̈u keek ë Luaŋdïtic, dhïc të lɔ rut, ku dhïc të lɔ wöuwic. Acïk bɔt de guöl ke adhääp looi aya.

Bɛ̈n 25:29

Loi aduuk, ku thɛ̈k bïï wal ŋïr aa nyop. Ku loi guöl, ku abïny bï mɔ̈n cï gam aa dek. Cuëc ee kakë kedhie në adhäm awai.

Bɛ̈n 25:38

Loi kë ye mac cuöny thok, ayï atɛ̈nyde në adhäm awai.

Bɛ̈n 27:3

Cuɛ̈cë thɛ̈k ke ŋeth, ku ka ye mac jok, ku thɛ̈k, ku thialtuŋ, ku abɔ̈c ke mac. Cuëc kake kedhie në maläŋ.

Bɛ̈n 37:16

Ku looi këriëëc de paam ëbɛ̈n në adhäm awai: aduuk, ku thɛ̈k ke wal ŋïr, ku guöl ku abïny bï mɔ̈n cï gam aa dek.

Bɛ̈n 37:23

Agokï mɛ̈c ke many alath looi kedhie kadhorou në adhäm awai, ayï kë ye mac cuääny thok, ayï atɛ̈nyde.

Bɛ̈n 38:3

Ku thɛ̈ɛ̈th kake yïk kedhie në maläŋ, guöl, ku ka ye mac jok, ku thɛ̈k, ku thialtuŋ, ku abɔ̈c ke mac, ku kake kedhie aake looi në maläŋ.

Kuɛ̈n 4:14

Ku tɛ̈ɛ̈ukï kake luɔi ëbɛ̈n në yïk nɔm ëbɛ̈n. Abɔ̈c ke mac, ku thialtuŋ, ku ka ye mac jok, ku thɛ̈k, ku ka ke yïk ëbɛ̈n, ku abïk keek kum kɔ̈ɔ̈th në dɛ̈l lɔ mot, ku tɛ̈ɛ̈ukï wai ke ɣɔ̈ɔ̈c thïn.

Kuɛ̈n 4:7

“Ku abïk lupɔ amujuŋ ee thiɛth në pam nɔm, ku tɛ̈ɛ̈ukï aduuk ë yenɔm ku thɛ̈k ke wal ŋïr ye nyop, ku guöl ku abïïny ke miɔ̈c ye dek. Ku kuïn cï pam ɣeric abï ya tɔ̈u në pam nɔm aköölnyïïn.