Jeremia 51:41 - JAM DE NHIALIC 2011

⁴¹ Aye Bɛ̈nydït lueel në biäk de Babilon an, “Pänydïït wään ye piny nɔm leec ëbɛ̈n, acï peec! Ee tëde riɔ̈ɔ̈cdïït cït ŋö, yen cï ciët Babilon tëde juöör!

Jeremia 51:41 ပူးပေါင်းရင်းမြစ်များ

2 Lëk 7:21

“Ku ënɔɔnë Luaŋdït arïïuwë guöp aläl, ku kɔc bï tëëk abïk aa gäi ku luelkï an, ‘Eeŋö lui ë Bɛ̈nydït kë cït ee kënë ee pinyë kekë Luaŋdït?’

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Yith 14:4

Të looi yen ee kënë, abïk melik de Babilonia aa dɔl guöp ku lueelkï an, “Melik de guöp akuöörkuöör ë wïïk! Acïn raan bïï bɛ yɔŋ!

Jeremia 49:25

Pänydïït ɣɔn cï leec de yic miɛtëpiɔ̈u acï yic guɔ ciɛ̈n kɔc taitai.

Jeremia 50:23

Babilonia acï piny nɔm ëbɛ̈n dui ë dëi, ku ënɔɔnë dëiyë acï dhuɔɔŋ! Juöör kedhie acïk päu në kë cï rɔt luöi ee pinyë.

Jeremia 50:46

Të lee ë Babilon löny, abï dɛ awuɔɔudït arëët, ka piny nɔm abïï lath nɔm ëbɛ̈n, ku awuɔɔu de lëk lëk ë kɔc abïï piŋ ë juöör kɔ̈k.”

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Edhekiɛl 27:35

“Kɔc rɛ̈ɛ̈r në wɛ̈ɛ̈r yɔu ëbɛ̈n acïk piɔ̈ɔ̈th päu në riääk cï yïn yök. Ayï meliiken acïk riɔ̈ɔ̈c, ka riɔ̈ɔ̈c atiëc në kenyïïn.

Danyel 2:38

Acï yïn tɔ ee bɛ̈ny de piny ceŋ nɔm ëbɛ̈n, ku bɛ̈ny nu në läi nïïm ëbɛ̈n ayï diɛt. Yïn aye nɔm de adhääp.

Danyel 4:22

“Yïn melik, yïn aye tim bɛ̈ɛ̈r ril. Yïn cï dït aläl ka yïn cï ɣet nhial, ku riɛldu acï ɣet ë piny thar.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.