Jeremia 51:35 - JAM DE NHIALIC 2011

³⁵ Tɔ lueel ë kɔc ke Dhiɔn an, “Ee Babilonia yen ade nɔm gääk në akuöörkuöör cï luöi wook!” Tɔ lueel ë kɔc ke Jeruthalem an, “Ee Babilonia yen ade nɔm gääk në nuandïït cï wok nuan!”

Jeremia 51:35 ပူးပေါင်းရင်းမြစ်များ

Cäk 16:5

Ago Tharai lɛ̈k Abram an, “Kë yɔŋë Ɣajer ɛn acath ke yïn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 9:12

Nhialic ee kɔc yɔŋ tak, ku acïï nɔm ee määr në dhiënden, ee kɔc ee kɔc yɔŋ luöi këtuc.

Jeremia 50:10

Babilonia abï yakic, ku kɔc yak yen yic, abïk kë kɔɔrkï ëbɛ̈n jɔt. Acä lueel, Yɛn Bɛ̈nydït.”

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Jeremia 51:24

Aye Bɛ̈nydït lueel an, “Wek bï Ya tïŋ ke ya cuut Babilonia kekë kɔcke, në biäk de karɛc juëc wään cïk luöi Jeruthalem.

Dhiëëu 1:22

“Guiir löŋden në biäk de karɛcken ëbɛ̈n, luöi ë keek këtuc cït man cï yïn yɛn luöi këtuc në biäk de karɛckï. Yɛn teer ë nuanic, ku yɛn tök piɔ̈u në jɔk.

Ɣabakuk 2:17

Në kë cä wek roor ë piny de Lebanɔn yiɛp piny, ënɔɔnë wek bï tɔ̈k piny. Wek cï läi näk piny, ku näŋ de läi abï we riääc. Kënë abï rɔt looi, në biäk cä wek kɔc nɔ̈k, ku kuörkï juöör ku wuöt ke pinynɔm ëbɛ̈n.

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Nyuuth 16:6

Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 18:6

Luöikï kë cït kë wään bï luöi week, luöikï kë cït këde luɔide ku ŋuakkï nyin raanrou. Bïnydɛn wään cï thiɔ̈ɔ̈ŋ tɔ dɛkkï, jakï thiɔ̈ɔ̈ŋ raanrou takï dek.

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

Bäny 9:20

Ku na kɛ̈nkï yic looi, ke mac abï bɛ̈n bei tëde Abimelek ku ciɛm week, wek kɔc ke Cekem ku Bethmilo, ku bïï bei tëde week ciɛm Abimelek.”

Bäny 9:24

Kënë aa loi rɔt ke Abimelek kekë kɔc ke Cekem bï ariöp de kërɛɛcden yök, kɔc ɣɔn rit yepiɔ̈u agokï wɛ̈ɛ̈t ke Gidiɔn kathiërdhorou nɔ̈k.