Jeremia 51:27 - JAM DE NHIALIC 2011

²⁷ “Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.

Jeremia 51:27 ပူးပေါင်းရင်းမြစ်များ

Cäk 10:3

Ku käu de Gɔmer ee yï Acekenadh kekë Ripath, ku Togama.

Cäk 8:4

Ku në kööl ë ye pɛɛi ye pɛ̈i dhorou thok thiëër ku dhorou, ke abël ë jak kur nïïm, kur ke kuur cɔl Ararat.

2 Mel 19:37

Na ɣɔn ë kööl tök, të lɛ̈m en luaŋ ë yanhdɛn Nithrokic, go wɛ̈ɛ̈tke kaarou yï Adramelek ku Caredher nɔ̈k në abätɛ̈ɛ̈u. Gokï bɛ̈n kat ke ke lɔ piny de Ararat, ago Etharɣadon wënde lɔ në nyinde yic ke ye melik.

1 Lëk 1:6

Käu de Gomer ee yï: Acekenadh, ku Ripath ku Togama.

Yith 18:3

Piŋ yïn raan ëbɛ̈n ceŋ piny nɔm! Woi yɛn gut beerdï piny ë kur nïïm! Të kuɔɔth ɛn kaaŋ ke piŋ!

Yith 37:38

Na ɣɔn ë kööl tök aa läŋ yanhdɛn Nithrok luaŋdɛn yaath, go wɛ̈ɛ̈tke kaarou Adramelek ku Caredher ye nɔ̈k në abätɛ̈ɛ̈u, ku kuɛlkï röt ke ke lɔ piny de Ararat, go wëndɛn dït cɔl Etharɣadon lɔ në nyinde yic ke ye melik.

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Jeremia 46:23

ku riëëk roordïït lɔ dïu. Röörken ajuëckï acïï ke duëër ë lëu ë kuɛ̈n, remdɛn de tɔŋ awär kɔyɔm ë juëc.

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 50:3

“Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 50:9

Yɛn lɔ akut de juöör ril tuök nhial të lɔ rut, ku abä keek tɔ mɛk Babilonia. Abïk röt mac ke ke mɛk ee pinyë ku abïk tiaam. Ayek yiëëp atëët, ayek dhaŋ muɔc, dhaŋ cïï të cï giit ee wuööc.

Jeremia 51:12

Gamkï kïn bïï ë kɛ̈l ke Babilon mak. Takï kɔc ee tïït ril! Takï rem de tɔŋ ee tïït biic lɔ tëden! Takï kɔc ee kɔc buuth thiaan!” Bɛ̈nydït acï këdɛn cï lueel an bïï luöi kɔc ke Babilonia looi.

Jeremia 51:14

Bɛ̈nydït de rɛm acï kuëëŋ ë pïïrde guöp, nɔn bïï yen röör juëc bɛ̈ɛ̈i bïk Babilonia bɛ̈n mak, röör juëc cït tëŋ de kɔyɔm, ku abïk cööt në tiëm cï kek tiam.

Jeremia 51:28

Guiɛɛrkï juöör në tɔŋ bïk thɔ̈ɔ̈r ë Babilonia. Tuɔɔckï kɔc, bïk meliik ke Media ku bänykɛn ke baai, ku bäny ke wut, ku rɛm ke tɔŋ de piinykɛn mɛckï keek lɔ cɔɔl.

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Jowɛl 3:9

Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.

Bäny 6:5

Ayek bɛ̈n në ɣɔ̈kken ku pɛɛnyken, cït man ë kɔyɔm dïït cïï lëu ë kuɛ̈n, ku thɔ̈rɔ̈ɔ̈lkɛn juëc aläl. Aake ye bɛ̈n ku riäkkï piny.