Jeremia 51:25 - JAM DE NHIALIC 2011

²⁵ Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Jeremia 51:25 ပူးပေါင်းရင်းမြစ်များ

Cäk 11:4

Agokï lueel an, “Yïkku wundït, ku aloocdïït bäär, aloocdïït bï nɔm ɣet paannhial. Ku tɔku rinkuɔ tiëc, ke wo cï bï thiëi ë piny nɔm ëbɛ̈n.”

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Yith 13:2

Në kuur cie luɔk nɔm yen aa jɔt ë beer ë tɔŋ nhial! Mɔ̈ckï kiɛɛu rem de tɔŋ ku jatkï we kök nhial ke ye kë nyuth keek, luɔi bä wek thook ke kal ë pänydïït ɣɛ̈ɛ̈c yenɔm lɔ mak.

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 50:25

Yɛn cï të wään cïï ë tɔɔŋkï tɔ̈ɔ̈u thïn liep thok, ku bɛ̈ɛ̈i keek bei në agönhdï, në biäk de yen luɔidiën luɔi ë Babilonia, Yɛn Bɛ̈nydït Awärjäŋ.

Jeremia 50:31

“Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Jeremia 51:53

Cakaa Babilon yen ë be kɛɛc tënhial ku yïk të cï gël ril ëtɛ̈ɛ̈n, Yɛn duëër ŋoot ke ya tooc kɔc bïk lɔ riɔ̈ɔ̈k. Acä lueel Yɛn Bɛ̈nydït.”

Jeremia 51:58

Kɛ̈l ke Babilon dït abï keek thuöör piny, ku thook ke kɛ̈lkɛn bär abï keek nyuɔp piny. Luɔi de juöör acï aa ɣɔ̈ric ëbɛ̈n, këdɛn cïk looi acï guɔ lɔ nhial në lɔ̈k de mac. Acä lueel Yɛn Bɛ̈nydït de rɛm.”

Jeremia 51:7

Babilonia aa cït cum de adhääp në yaciin, ta Yɛn juöör ëbɛ̈n wiɛɛt. Juöör acïk mɔ̈nde thiic, ku jɔkï nïïm guɔ riääk.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

Nyuuth 8:8

Na wën, ke tunynhial ee kek rou koth kaaŋde, ku jɔ kë cït kuurdït gök dɛ̈p ë mac cuat ë wɛ̈ɛ̈ric: go baŋ töŋ ë wɛ̈ɛ̈r baŋ wën ee kek diäk jɔ guɔ aa riɛm,