Jeremia 51:11 - JAM DE NHIALIC 2011

¹¹ Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 51:11 ပူးပေါင်းရင်းမြစ်များ

1 Mel 11:14

Go Bɛ̈nydït Ɣadad jat nhial, bïï ater luöi Tholomon, ee raan töŋ ë kɔc ke dhiën ë melik de Edom.

1 Mel 11:23

Nhialic aya ë Redhon wën ë Eliada jat nhial, bï ater luöi Tholomon. Ku Redhon aacï kat tëde bɛ̈nyde, melik Ɣadadedher de Dhoba,

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Yith 10:26

Yɛn Bɛ̈nydït de rɛm, abä ke dui në thienydï cït man ɣɔn duöi Yɛn kɔc ke Midian në kuur ë Orep thar. Yɛn bï kɔc ke Athiriya luöi këtuc cït man wään cän kɔc ke Rip luöi këtuc.

Yith 21:2

Yɛn ë nyuuth de yic riäŋ rac ku riɔ̈ɔ̈c tïŋ. Rem de tɔŋ de Eelam ku Media amɛkkï rem de tɔŋ ë Media, ku tookkï pɛ̈ɛ̈nydït! Bɛ̈nydït abï nuan cïï Babilon luöi kɔc tɔ thök.

Yith 21:5

Në nyuuth yic këcamdït ë kiëët, biök bïï ë kamaan nyuc acï keek thieth. Aciëmkï ku adëkkï. Go jam caal ë thiäu an, “Bäny ke rem de tɔŋ! Kiëëtkï köötkun!”

Yith 41:25

“Yɛn cï raan lɔc, raan rɛ̈ɛ̈r në biäk të lɔ aköl amiäk. Abä bɛ̈ɛ̈i bïï kɔc mak në biäk të lɔ rut. Abï bäny dum yiic cït kë nuai tiɔ̈k, abï ciët raan ee töny cuëëc dum tiɔp piny.

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Yith 46:11

Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Jeremia 46:3

“Go bäny ke rem ë tɔŋ ë Rip cööt an, ‘Kiëëtkï köötkun, ku lakkï tɔŋ!

Jeremia 46:4

Kiëëtkï jöŋgöörkun, ku guëkkï kekɔ̈ɔ̈th! Kääckï tëdun ku tääukï akuup ke tɔŋ! Thɛɛrkï tɔɔŋkun! Tääukï aluluut ee tɔɔŋ gël.’

Jeremia 46:9

Yɔ̈ɔ̈kë jöŋgöör bïk lɔ thïn, ku abëël ke tɔŋ bïk röt laar tɔŋ! Tuɔɔcë rem ë tɔŋ biic: Kɔc ke Ethiopia ku Libya, aɣɛ̈ɛ̈ckï kööt, ku kɔc ke Ludia amukkï dhɛ̈ŋ.’”

Jeremia 50:25

Yɛn cï të wään cïï ë tɔɔŋkï tɔ̈ɔ̈u thïn liep thok, ku bɛ̈ɛ̈i keek bei në agönhdï, në biäk de yen luɔidiën luɔi ë Babilonia, Yɛn Bɛ̈nydït Awärjäŋ.

Jeremia 50:3

“Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 50:45

Jɔ kë cä kiëët ë biäk de pänydït Babilon piŋ, ku kë kaar bä luöi kɔcke. Ayï mïthken abïï keek thɛl wei, ka raan ëbɛ̈n abï riɔ̈ɔ̈c aläl.

Jeremia 50:9

Yɛn lɔ akut de juöör ril tuök nhial të lɔ rut, ku abä keek tɔ mɛk Babilonia. Abïk röt mac ke ke mɛk ee pinyë ku abïk tiaam. Ayek yiëëp atëët, ayek dhaŋ muɔc, dhaŋ cïï të cï giit ee wuööc.

Jeremia 51:12

Gamkï kïn bïï ë kɛ̈l ke Babilon mak. Takï kɔc ee tïït ril! Takï rem de tɔŋ ee tïït biic lɔ tëden! Takï kɔc ee kɔc buuth thiaan!” Bɛ̈nydït acï këdɛn cï lueel an bïï luöi kɔc ke Babilonia looi.

Jeremia 51:24

Aye Bɛ̈nydït lueel an, “Wek bï Ya tïŋ ke ya cuut Babilonia kekë kɔcke, në biäk de karɛc juëc wään cïk luöi Jeruthalem.

Jeremia 51:35

Tɔ lueel ë kɔc ke Dhiɔn an, “Ee Babilonia yen ade nɔm gääk në akuöörkuöör cï luöi wook!” Tɔ lueel ë kɔc ke Jeruthalem an, “Ee Babilonia yen ade nɔm gääk në nuandïït cï wok nuan!”

Jeremia 51:36

Na wën ke lëk ë Bɛ̈nydït kɔc ke Jeruthalem an, “Yɛn bï göönydun nööm, ku Yɛn bï kɔc ke aterdun tɔ cool kë cïk luöi week. Yɛn bï wɛ̈ɛ̈r de Babilonia tɔ ril wei, ku ta awɛɛŋke tɔ dëu.

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Jowɛl 3:10

Thäthkï pur, ke ke ye abätɛ̈ɛ̈u. Thäthkï leem ke tëm, ke ke ye tɔɔŋ. Takï lueel ë kɔc kɔ̈c an, “Wok lëu tɔŋ.

Jowɛl 3:9

Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Dhek 14:12

Bɛ̈nydït abï jɔŋ tuc thok yiɛ̈n juöör bï tɔŋ lɛɛr Jeruthalem. Abïk gup ŋuäc ke ke ŋoot ke ke pïïr. Ku nyïïnken kekë liëpken abïk ŋuäc aya.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.