Jeremia 50:6 - JAM DE NHIALIC 2011

⁶ “Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 50:6 ပူးပေါင်းရင်းမြစ်များ

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 119:176

Yɛn cï nɔm mum cï thök cï määr, ka bä kɔɔr ɛn, yɛn awundu, në biäk kɛ̈n yɛn lööŋku dhɔɔt yiic.

Diɛt 23:2

Ee ya tääc në wal tɔ̈c yiic, ee ya wat në pïïu piɛth lɔ̈m.

Diɛt 32:7

Yïn aye të yan thiaan, yïn ee ya gël në riääk. Yɛn bï ket ë röldït në biäk de kuɔɔnydu, në biäk cï yïn ɛn gël.

Diɛt 90:1

Bɛ̈nydït, Yïn aaye ɣöndan ë thiaan në akööl ke rɛmkuɔ yiic ëbɛ̈n.

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 30:15

Bɛ̈nydït Awärjäŋ, Nhialic Ɣeric de Yithriɛl aye lɛ̈k kɔc an, “Bäkkï ciëën ë määth ku ŋäthkï Yɛn. Ke we bï riɛl ku täukï ë mätic.” Ku wek cï jaai në luɔi bä wek e looi!

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Jeremia 10:21

Aguɔ bɛ̈ɛ̈r an, “Bänykuɔ ayek dhän, acïkï Bɛ̈nydït ee luɔp bïï ke wat. Yen kën ë tɔ keek löny ka, ku kɔckuɔ acï keek thiɔ̈i.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 23:1

Acï Bɛ̈nydït lueel an amawoou në bäny cï kɔc ke Bɛ̈nydït riɔ̈ɔ̈k ku thiɛ̈ikï keek piny!

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Jeremia 33:12

Acïï Bɛ̈nydït de rɛm lueel an, “Në ee pinyë yic, piny cï ciët jɔ̈ɔ̈ric ku ye të cïn kɔc ku nɔn ee läi rɛ̈ɛ̈r thïn, abï yic bɛ dɛ wal bï tïït ke thök thök bɛ tɔ lɔ nyuääth thïn.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 50:19

Yɛn bï kɔc ke Yithriɛl bɛ pɔ̈k nïïm pinyden. Abïk cam në kacaam ee luɔk në kuur ë Karmel nɔm, ku piny de Bacan, ku abïk cam në kak kɔɔrkï ëbɛ̈n, kak ee luɔk piny de Eparaim ku Giliyad.

Edhekiɛl 13:10

“Tït acïk kɔckï kuöc wat në kë ye kek e lueel an, piɛth käŋ ëbɛ̈n. Ee yic, käŋ acïkï piɛth ëbɛ̈n! Kɔckï acïk päny de kur cï dhiap yïk, ku jɔ tït bɛ̈n ku rɔthkï kɔ̈u në kïn ɣer.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:15

Yɛn guöpdï Yɛn bï aa tïn de amɛ̈lkï, ku abä ke kɔ̈ɔ̈r të bïï kek lɔ̈ŋ. Acä lueel, Yɛn Bɛ̈nydït Awärjäŋ.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Math 10:6

dhiɛlkï lɔ të nu amɛ̈l cï määr, amɛ̈l ke baai de Yithriɛl.

Math 15:24

Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”

Math 9:36

Na wën, acï kuut ke kɔc tïŋ, ke jɔ piɔ̈u kok kekë keek, luɔi cï kek dak, ku luɔi cï kek thiäi cït man ë thök cïn raan ee ke tiit.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.