Jeremia 50:5 - JAM DE NHIALIC 2011

⁵ Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Jeremia 50:5 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

1 Mel 19:14

Go lueel, an, “Yɛn cï tiɛɛl dɔm Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tït ke Nhialic në abätäu, ku ja döŋ yatök ë giliŋ ku akɔɔrkï wëikï bïk a nɔ̈k.”

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 31:21

Loi kït, ku nyoth kueer, be kueer ë jël yïn kɔɔr. Bäkkï ciëën kɔc ke Yithriɛl, bäkkï baai, bäkkï ë wuötkuön cäk nyääŋ piny yiic.

Jeremia 31:6

Ee yic, akööl abïkï, akööl bï kɔc ee tïït në piny ë kuur de Eparaim yic, aa cööt an, ‘Lokku Dhiɔn, të nu Bɛ̈nydït Nhialicda.’”

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Edhekiɛl 16:61

Yïn bï kë wään cï looi tak, ku yïn bï guöp yäär në yen, të le ë yï nyankui dït kekë nyankui koor bɛ̈n ciëën. Abä ke tɔ cït nyïïrku tëde yïn, cakaa nɔn liiu ee kënë në mändï yic wo yïn.

Edhekiɛl 37:22

Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

2 Kor 8:5

Ku acïï cït kë ë ŋäthku tei, acïk röt kɔn gäm Bɛ̈nydït, ku gɛmkï röt wook në këde piɔ̈n ë Nhialic.