Jeremia 50:44 - JAM DE NHIALIC 2011

⁴⁴ “Yɛn Bɛ̈nydït Awärjäŋ, Yɛn bï bɛ̈n ku ta kɔc ke Babilonia tɔ kɔt ëthiäu në pɛ̈ɛ̈nydïtken yiic, cït man ë köör bɔ̈ bei ë roor lɔ dïu ë Jordan yɔu, köör lɔ piny de yic wal tɔ̈c. Ku bɛ̈ny bä lɔc abï jur kuum. Eeŋa bïï thɔ̈ɔ̈ŋ ke Yɛn? Eeŋa duëër Yɛn guääk? Ee bɛ̈ny cɔl ŋa duëër teer ke Yɛn?

Jeremia 50:44 ပူးပေါင်းရင်းမြစ်များ

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 41:25

“Yɛn cï raan lɔc, raan rɛ̈ɛ̈r në biäk të lɔ aköl amiäk. Abä bɛ̈ɛ̈i bïï kɔc mak në biäk të lɔ rut. Abï bäny dum yiic cït kë nuai tiɔ̈k, abï ciët raan ee töny cuëëc dum tiɔp piny.

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 46:11

Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Yith 46:9

Takkï wenïïm në kë cï rɔt looi ɣɔn thɛɛr, ŋiɛckï ee Yɛn A tök Yɛn ee Nhialic ku acïn raan däŋ cït Yɛn.

Yith 48:14

“Matkï röt ku piëŋkï, week wedhie! Acïn yanh duëër e caar an raan cä lɔc duëër Babilon mak, abï kë kaar bïï looi lɔ looi.

Jeremia 12:5

Go Bɛ̈nydït lueel an, “Jeremia, na cï bäb ë riŋdu we kɔc, ku bä jɔ riŋ adï we jöŋgöör? Na cï jɔ kɔ̈ɔ̈c ë riaaŋ ë baai thok, ke bä jɔ lëu adï yen riŋ ë roor dïït ë Jordan yɔu?

Jeremia 25:38

Bɛ̈nydït acï kɔcke nyääŋ piny cït man ë köör cï köŋde nyääŋ piny. Riɔ̈ɔ̈cdïït de tɔŋ ku agönh tuc de Bɛ̈nydït acï wut puk ke ee jɔ̈ɔ̈r.

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Jeremia 50:15

Mɔckï kiɛɛu de tɔŋ ë pänydït këc ëbɛ̈n! Babilon acï rɔt guɔ gam ë nɔɔnë. Kalde acï thuur kɔ̈u, ku dhoŋë kalde piny. Yɛn guur rɔt ë kɔc ke Babilonia, ka guöörkï röt ë keek, ku luööikï keek cït man cï kek kɔc kɔ̈k luööi.

Dhek 11:3

Bäny adhiaukï në jiɛthëpiɔ̈u, dhuëëŋden ë jäl! Piɛŋkï kïïu de kɔ̈ɔ̈r, ɣöndɛn roor nu ë Jordan yɔu acï riɔ̈ɔ̈k!

Kuɛ̈n 16:5

Ku lëk Kɔra kekë kɔc cath në yen an, “Miäk aduduur, Bɛ̈nydït abï wo nyuöth raan ee raande, ku raan ɣeric, ku abï tɔ ɣëët në yelɔ̈ɔ̈m.