Jeremia 50:34 - JAM DE NHIALIC 2011

³⁴ Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Jeremia 50:34 ပူးပေါင်းရင်းမြစ်များ

2 Lëk 6:39

ëtɛ̈ɛ̈n ke yï jɔ lɔ̈ŋden piŋ. Piŋ baaidu paannhial, ku kokëpiɔ̈u we keek, ku pälë kɔcku awɛ̈ɛ̈cken kedhie.

Jop 19:25

Aŋiɛc ade Raan bï yɛn wɛ̈ɛ̈r bei, aŋiɛc nɔn pïïr En! Ku miäk le käŋ thäär adhöc, abï kɔ̈ɔ̈c në piny nɔm ëtënë ku kony ɛn,

Diɛt 35:1

Ye nɔm kɔc ee nïïm ɛn Bɛ̈nydït, thäärë wekë kɔc piɔ̈t në yɛn!

Diɛt 43:1

Nhialic, tɔ yɛn ee raan cïn guöp awäc, ku kony göönydï, tëde kɔc kuc Nhialic, kony ɛn në kɔc ee kɔc math ku kɔc ee karɛc looi!

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Kɛ̈ŋ 22:23

Bɛ̈nydït abï göönyden nööm ku tɔ kɔc wään cï kaken peec bɛ tɔ pec.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 43:14

Nhialic Ɣeric de Yithriɛl, Bɛ̈nydït ee we luök, aye lueel an, “Yɛn bï rem de tɔŋ bï lɔ thɔ̈ɔ̈r ke Babilon tooc, aguɔ we luök, Yɛn bï athïïn ke pänydït dhuɔŋ piny, ku kiɛɛu de kɔcke abï rɔt puk ke ye dhiëëu.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 47:4

Nhialic Ɣeric de Yithriɛl abï wo gäm nɔm lääu, rin ke ayek Bɛ̈nydït de rɛm.

Yith 49:25

Go ë Bɛ̈nydït bɛ̈ɛ̈r an, “Kë bï rɔt looi ka ë dhöc. Kë cï raan de tɔŋ dɔm abïï jɔt, ku kë cï raan rac peec abïï dɔm. Yɛn bï thɔ̈ɔ̈r wo raan thäär ke week, ku yɛn bï mïthkun kony.

Yith 51:22

Bɛ̈nydït Awärjäŋ ee we kony ku lueel an, “Yɛn bï abïïny nyaai abïïny wään cä gäm week në agönhdï. Wek cïï bï bɛ dek ë mɔ̈n ee week tɔ tuëk.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 15:21

Yïn bä gël aril në riɛl de kɔc rac ku kɔc ke akuöörkuöör. Acä lueel, Yɛn Bɛ̈nydït.”

Jeremia 30:20

Yɛn bï riɛl tueŋ de jur pɔ̈k nɔm keek, ku akutnɔmden abä bɛ tɔ ril aläl, Yɛn bï kɔc ee keek yɔŋ ëbɛ̈n luöi këtuc.

Jeremia 31:11

Yɛn cï Yithriɛl gäm nɔm lääu, ku luäk keek në jur ril.

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Jeremia 48:15

Mowap kekë pɛ̈ɛ̈nydïtke acï keek riɔ̈ɔ̈k, dhuökkɛn piɛth acï keek tɛm röt. Ee Yɛn melik, Bɛ̈nydït de rɛm, ku Yɛn cï jam.

Jeremia 51:19

Nhialic de Jakop acïï cït keek, ee Yen ë loi këriëëc ëbɛ̈n, ku acï Yithriɛl lɔc bïï aa kɔc ke nɔmde. Bɛ̈nydït de rɛm, yen aye rinke.

Jeremia 51:36

Na wën ke lëk ë Bɛ̈nydït kɔc ke Jeruthalem an, “Yɛn bï göönydun nööm, ku Yɛn bï kɔc ke aterdun tɔ cool kë cïk luöi week. Yɛn bï wɛ̈ɛ̈r de Babilonia tɔ ril wei, ku ta awɛɛŋke tɔ dëu.

Dhiëëu 3:58

Bɛ̈nydït, Yïn cï ya bɛ̈n kony, ku luäk wëikï.

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”