Jeremia 50:32 - JAM DE NHIALIC 2011

³² Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Jeremia 50:32 ပူးပေါင်းရင်းမြစ်များ

Diɛt 119:78

Tɔ kɔc ee röt lɛɛc yäär në luɔi cï kek a cäk thok ë lueth, ku në biäkdï, yɛn bï wëëtdu aa kueen yic.

Kɛ̈ŋ 16:18

Lɛc aye riääk kuany cök.

Kɛ̈ŋ 18:12

Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

Jeremia 21:14

Ku wek bä luöi këtuc në biäk de kë cäk looi. Yɛn bï ɣönduön ë bääny nyop ë mac, ku mac abï këriëëc ëbɛ̈n nu ë yelɔ̈ɔ̈m nyuɔp piny. Acä lueel, Yɛn Bɛ̈nydït.”

Jeremia 49:27

Yɛn bï kal de Damathko ɣök mac, ku Yɛn bï ɣön ë bääny de melik Benɣadad nyuɔp piny.”

Jeremia 51:26

Acïn kuur tök në kurkuön cï riääk yiic bï bɛ röŋ kekë yïk. Yïn bï ciët jɔ̈ɔ̈r aɣet athɛɛr. Acä lueel, Yɛn Bɛ̈nydït.

Jeremia 51:64

ku luel an, ‘Kënë yen abï tuöl tëde Babilonia, abï mou ku acï rɔt bï bɛ jɔt taitai, në biäk de riääk bïï Bɛ̈nydït yiɛ̈n yen.’” Wël ke Jeremia acïk jɔ kɔ̈ɔ̈c ee tënë.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Amoth 1:10

Në biäk de ee kënë, Yɛn bï mac tuɔɔc Tayer, bï lɔ nyuɔp piny, ku nyop ɣään riilke piny.

Amoth 1:12

Në biäk de ee kënë, Yɛn bï mac tuɔɔc Teman bï nyuɔp piny, ku nyop ɣään riil ke Bothera piny.

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Amoth 1:4

Në biäk de ee kënë, yɛn bï mac tuɔɔc baai de Ɣadhiɛl. Ku nyuɔp ɣään ril ke Benɣadad piny.

Amoth 1:7

Në biäk de ee kënë, yɛn bï mac tuɔɔc pänydïït de Gadha, ku nyuɔp ɣään riilke piny.

Amoth 2:2

Në biäk de ee kënë, yɛn bï mac tuɔɔc Mowap le nyuɔp piny, ku nyop ɣään riilke piny në Kerioth. Ku kɔc ke Mowap abï keek tiaam, ku näk keek në awuɔɔu de tɔŋ, ku lɔ rem de tɔŋ ke ke kïïu, ku lɔ kaaŋ ke koth.

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Amoth 5:2

Yithriɛl nyan kën kɔn yök ke moc ë wïïk, acïï rɔt bï bɛ lëu në jöt! Acï pɔ̈l adhɔt piny, ke cïn raan jɔt e nhial.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”