Jeremia 50:31 - JAM DE NHIALIC 2011

³¹ “Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Jeremia 50:31 ပူးပေါင်းရင်းမြစ်များ

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Jeremia 21:13

Yïn Jeruthalem, yïn kääc tëthöny ë wɛ̈k nïïm, yïn cït kuur nu ë riaaŋ nɔm. Ku Yɛn bï thɔ̈ɔ̈r we yïn. Aye lueel an acïn raan bï yïn mak, ku acïn raan duëër rem de tɔŋdu reetic.

Jeremia 48:29

Mowap ade guöp lɛc dït! Yɛn cï lɛcde piŋ, ku dït de nɔmde, ku piɛŋ mɛth ye kɔcke kɔc math, ku luöi ye kek röt leec kapäc.

Jeremia 49:16

Lɛcdu acï yïn math. Acïn raan ee riɔ̈ɔ̈c ee yïn, cïn man ee yïn en tak an ye kɔc riɔ̈ɔ̈c ë yïn. Yïn rɛ̈ɛ̈r në awiɛn ë kur nïïm, në kuur nɔm nhial ya, ku cakaa nɔn rɛ̈ɛ̈r yïn nhial ya cï cuɔɔr, Bɛ̈nydït abï yïn bɛ̈ɛ̈i piny. Acï Bɛ̈nydït lueel.”

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Jeremia 50:32

Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 38:3

ku lɛ̈kë yen an, Yɛn Bɛ̈nydït Awärjäŋ, Yɛn ee raan de aterde.

Edhekiɛl 39:1

Acïï Bɛ̈nydït Awärjäŋ lueel an, “Mɛnh ë raan, rɛɛcë Gok, bɛ̈ny tueŋ cieŋ juöör ke Mecek ku Tubal, ku lɛ̈kë yen nɔn yɛn raan de aterde.

Edhekiɛl 5:8

Ka wek yɔ̈ɔ̈k keek Yɛn Bɛ̈nydït Awärjäŋ nɔn aa wek kɔc ke aterdï. Yɛn bï luŋdun teem të bïï ë juöör week woi kedhie.

Naɣum 2:13

Alueel ë Bɛ̈nydït de rɛm, an, “Tiëŋkï, Yɛn ee nɔm week. Abëëlkuön ke tɔŋ abä keek ɣɔ̈k mac, ku remduön ë tɔŋ abï keek nɔ̈k tɔŋ, ku acïn kë bä buɔ̈th week në ka wään ruömkï, ku kɔckuön wään yak tooc an bïk athölbɔ̈ bɛ̈n aa kut acïï ke bï bɛ piŋ röt.

Naɣum 3:5

Kë cïï Bɛ̈nydït de rɛm lueel kï an, “Yɛn ee nɔm yïn. Yɛn bï biɔŋku yaany nhial, ku ta yï woi ë juöör thar, ku ta ke ŋic ayärdu.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”