Jeremia 50:3 - JAM DE NHIALIC 2011

³ “Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 50:3 ပူးပေါင်းရင်းမြစ်များ

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Yith 41:25

“Yɛn cï raan lɔc, raan rɛ̈ɛ̈r në biäk të lɔ aköl amiäk. Abä bɛ̈ɛ̈i bïï kɔc mak në biäk të lɔ rut. Abï bäny dum yiic cït kë nuai tiɔ̈k, abï ciët raan ee töny cuëëc dum tiɔp piny.

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Jeremia 21:6

Ku Yɛn bï ka pïïr ceŋ ee pänydïïtë nɔ̈k kedhie, kɔc ku läi, abïk thou kedhie ë jɔɔk tuc thook.

Jeremia 50:9

Yɛn lɔ akut de juöör ril tuök nhial të lɔ rut, ku abä keek tɔ mɛk Babilonia. Abïk röt mac ke ke mɛk ee pinyë ku abïk tiaam. Ayek yiëëp atëët, ayek dhaŋ muɔc, dhaŋ cïï të cï giit ee wuööc.

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Jeremia 51:62

Ku jɔ lɔ̈ŋ an ‘Bɛ̈nydït acï lueel nɔn bïï yïn ee tënë riɔ̈ɔ̈k, abïï ciën kë cak kë pïïr bï bɛ tɔ̈u thïn, ayï kɔc, ayï läi, ku abï ciët jɔ̈ɔ̈r aɣet athɛɛr.’

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.