Jeremia 50:29 - JAM DE NHIALIC 2011

²⁹ “Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Jeremia 50:29 ပူးပေါင်းရင်းမြစ်များ

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 47:10

“Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Jeremia 49:16

Lɛcdu acï yïn math. Acïn raan ee riɔ̈ɔ̈c ee yïn, cïn man ee yïn en tak an ye kɔc riɔ̈ɔ̈c ë yïn. Yïn rɛ̈ɛ̈r në awiɛn ë kur nïïm, në kuur nɔm nhial ya, ku cakaa nɔn rɛ̈ɛ̈r yïn nhial ya cï cuɔɔr, Bɛ̈nydït abï yïn bɛ̈ɛ̈i piny. Acï Bɛ̈nydït lueel.”

Jeremia 50:24

Babilonia yïn aa thäär we Yɛn, ku ënɔɔnë yïn cï lööny në wïn ë dɛ̈p yic wïn cä luöi yïn, cakaa nɔn ë kuc yïn en.

Jeremia 50:26

Makkï në aguuk ëbɛ̈n, ku dhuɔŋkï ɣäänkɛn cï yen rap thiaan thïn thook! Kuötkï ka cï peec nïïm, cït akuut ke rap! Riäkkï piny! Cïn kë nyääŋkï piny taitai!

Jeremia 50:32

Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Jeremia 50:9

Yɛn lɔ akut de juöör ril tuök nhial të lɔ rut, ku abä keek tɔ mɛk Babilonia. Abïk röt mac ke ke mɛk ee pinyë ku abïk tiaam. Ayek yiëëp atëët, ayek dhaŋ muɔc, dhaŋ cïï të cï giit ee wuööc.

Jeremia 51:24

Aye Bɛ̈nydït lueel an, “Wek bï Ya tïŋ ke ya cuut Babilonia kekë kɔcke, në biäk de karɛc juëc wään cïk luöi Jeruthalem.

Jeremia 51:3

Duökï remdɛn de tɔŋ gëm kaam bïï kek dhɛ̈ŋken moc, duökï gëm kaam bïï kek kɔ̈ɔ̈c në lupɔɔkɛn ke tɔŋ. Duökï dhuök päl! Riäärkï rem de tɔŋ ëbɛ̈n!

Jeremia 51:49

Babilonia acï kɔc juëc tɔ thou ë piny nɔm ëbɛ̈n, ku ënɔɔnë Babilonia abï wïïk në biäk cï yen kɔc juëc tɔ thou në kɔc ke Yithriɛl yiic. Acä lueel, Yɛn Bɛ̈nydït.”

Jeremia 51:56

Acïk bɛ̈n bïk Babilon bɛ̈n riɔ̈ɔ̈k, remdɛn ë tɔŋ acï peec, ku dhɛ̈ŋken acï ke dhuööŋ. Yɛn ee Nhialic ee kërac luöi këtuc, ku Yɛn bï Babilon luööi cït man ë kë rɔ̈ŋ ke yen.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 3:64

“Bɛ̈nydït, luöiyë keek këtuc, në biäk de kë cïk looi.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

2 Theth 1:6

tën ee yen këpiɛth tëde Nhialic luɔi bï en këtuc cool nɔm tëde kɔc ee ye week luöi këtuc,

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

Nyuuth 16:6

Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!

Nyuuth 18:6

Luöikï kë cït kë wään bï luöi week, luöikï kë cït këde luɔide ku ŋuakkï nyin raanrou. Bïnydɛn wään cï thiɔ̈ɔ̈ŋ tɔ dɛkkï, jakï thiɔ̈ɔ̈ŋ raanrou takï dek.