Jeremia 50:28 - JAM DE NHIALIC 2011

²⁸ (Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 50:28 ပူးပေါင်းရင်းမြစ်များ

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Jeremia 50:15

Mɔckï kiɛɛu de tɔŋ ë pänydït këc ëbɛ̈n! Babilon acï rɔt guɔ gam ë nɔɔnë. Kalde acï thuur kɔ̈u, ku dhoŋë kalde piny. Yɛn guur rɔt ë kɔc ke Babilonia, ka guöörkï röt ë keek, ku luööikï keek cït man cï kek kɔc kɔ̈k luööi.

Jeremia 51:45

Kɔc ke Yithriɛl, katkï ëtɛ̈ɛ̈n! Katkï bääkï wëikun, në agönhdiën tuc thok.

Jeremia 51:6

Katkï ë Babilonia! Bääkï wëikun! Duökï röt tɔ näk në biäk de awäny de Babilonia. Yɛn guur rɔt ënɔɔnë, ku aluöi keek këtuc rɔ̈ŋ ke keek.

Dhiëëu 1:10

Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Nyöŋ 32:41

An, yɛn bï abätäudiën abilbil theer thok, ku tiëŋ yith ke ke loi. Yɛn bï guur looi në kɔc ke aterdï, ku duöi kɔc man ɛn.