Jeremia 50:27 - JAM DE NHIALIC 2011

²⁷ Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Jeremia 50:27 ပူးပေါင်းရင်းမြစ်များ

Jop 18:20

Ka kɔc nu të lɔ aköl amiäk leer aköl athɛ̈i aye riɔ̈ɔ̈c ke dɔm në riäŋ cï rɔt luöi yen.

Diɛt 22:12

Kɔc ke ater juëc acïk ɛn gɛɛu cil cït man ë thön, Acïk ɛn gɛɛu cil ëbɛ̈n, cït man ë thön ke Bacan.

Diɛt 37:13

Ku Bɛ̈nydït ee kɔc rac geet gup, në luɔi ŋic en en nɔn cï aköölken guɔ thiɔ̈k.

Yith 21:12

Guɔ bɛ̈ɛ̈r an, “Piny abï ruu ku abï wakɔ̈u abï bɛ bɛ̈n. Na kɔɔr bä bɛ lop, bä ciëën bä bɛ̈n lop.”

Yith 34:6

Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Yith 34:7

Kɔc abïk aa wïïk cï ɣɔ̈k roor ku miöör kor, ku piny abï aa thiir ke riɛm thiäŋ ke kɔl.

Jeremia 12:3

Ku Bɛ̈nydït, Yïn ŋic yɛn, Yïn ee kë luɔi woi, ku Yïn nhiaar aläl. Thɛlë kɔc ee karɛc looi wei, cï thök le nɔ̈k, tit keek aɣet të bïï ë kaam nɛ̈kë keek bɛ̈n.

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 46:21

Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Jeremia 48:10

(Cien kɔc cïï luɔi de Bɛ̈nydït ee looi në piɔ̈nden ëbɛ̈n! Cien kɔc cïï kɔc ee kip yiëth ku kɔc cie näk!)

Jeremia 48:15

Mowap kekë pɛ̈ɛ̈nydïtke acï keek riɔ̈ɔ̈k, dhuökkɛn piɛth acï keek tɛm röt. Ee Yɛn melik, Bɛ̈nydït de rɛm, ku Yɛn cï jam.

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Jeremia 50:31

“Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Jeremia 51:40

Abä keek lɛɛr, le keek tɛm röt, cït man ë amɛ̈l, ku nyök bɔɔth, ku nyök ke amɛ̈l. Acä lueel, Yɛn Bɛ̈nydït.”

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Nyuuth 18:10

ke ke kääc tëmec në riɔ̈ɔ̈c cï kek riɔ̈ɔ̈c ë lɛ̈ŋ cï e leeŋ wëi, ku luelkï, an, “Amawoou! Madinoou! Gök de pänydït Babilon, pänydïït ril! Ee thaar tök en aa yök yïn këduön tuc!”

Nyuuth 19:17

Na wën, ke ya tïŋ tunynhial tök ke kääc ë akɔ̈lic, go cööt ë röl dït, yöök diɛt ee riŋ nhial ëbɛ̈n ë kaam de nhial ku piny, an, “Bäkï, guɛ̈ɛ̈rkï ë këcam dïït ë Nhialic,