Jeremia 50:26 - JAM DE NHIALIC 2011

²⁶ Makkï në aguuk ëbɛ̈n, ku dhuɔŋkï ɣäänkɛn cï yen rap thiaan thïn thook! Kuötkï ka cï peec nïïm, cït akuut ke rap! Riäkkï piny! Cïn kë nyääŋkï piny taitai!

Jeremia 50:26 ပူးပေါင်းရင်းမြစ်များ

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 14:23

Yɛn bï Babilon puk ke ye bäc, ka agumuut abïk ceŋ ëtɛ̈ɛ̈n. Yɛn bï Babilon napic në wëëny ee këriëëc ëbɛ̈n nap wei. Acä lueel, Yɛn Bɛ̈nydït de rɛm.”

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 45:3

Yïn bä gäm wëu të col, në ɣään cï thiaan, yen abïï yïn en jɔ ŋic nɔn ee Yɛn Bɛ̈nydït, ku nɔn cïï Nhialic de Yithriɛl yï cɔɔl në rin.

Yith 5:26

Abï kïït nyuɔɔth kïn cɔl En jur nu tëmec. Ku koth kaaŋ bïï ë kɔc piŋ ë piny thar. Agokï dap bɛ̈n ke ke riŋ aläl!

Jeremia 50:10

Babilonia abï yakic, ku kɔc yak yen yic, abïk kë kɔɔrkï ëbɛ̈n jɔt. Acä lueel, Yɛn Bɛ̈nydït.”

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Jeremia 50:15

Mɔckï kiɛɛu de tɔŋ ë pänydït këc ëbɛ̈n! Babilon acï rɔt guɔ gam ë nɔɔnë. Kalde acï thuur kɔ̈u, ku dhoŋë kalde piny. Yɛn guur rɔt ë kɔc ke Babilonia, ka guöörkï röt ë keek, ku luööikï keek cït man cï kek kɔc kɔ̈k luööi.

Jeremia 50:23

Babilonia acï piny nɔm ëbɛ̈n dui ë dëi, ku ënɔɔnë dëiyë acï dhuɔɔŋ! Juöör kedhie acïk päu në kë cï rɔt luöi ee pinyë.

Jeremia 50:41

“Kɔc abïkï piny tɔ̈u të lɔ rut, jur ril mec arëët, ku meliik juëc aguiirkï tɔŋ.

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Jeremia 51:64

ku luel an, ‘Kënë yen abï tuöl tëde Babilonia, abï mou ku acï rɔt bï bɛ jɔt taitai, në biäk de riääk bïï Bɛ̈nydït yiɛ̈n yen.’” Wël ke Jeremia acïk jɔ kɔ̈ɔ̈c ee tënë.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Math 6:26

Wɔikï diɛt nhial, acïkï ee com, ku acïkï ee tem, ku acïkï rap ee kuöt ë adhɛn yiic, ku wuöörduön nu paannhial yen aye keek tɔ cäm. Ku week, cäkï ŋuän ë keek arëët?

Nyuuth 14:19

Go tunynhial menyjelde ɣaak ë piny nɔm, ku kut mïth ke enap nïïm, enap de piny nɔm, go ke cuat ë gök de këdäŋic kën ee mïth ke enap dhiim thïn aye mɔ̈u, mɔ̈n ë agönh tuc de Nhialic.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.