Jeremia 50:20 - JAM DE NHIALIC 2011

²⁰ Të le köölë bɛ̈n, acïn kërɛɛc bïï yök ë Yithriɛl, ku acïn luɔi rac ë Juda, në biäk bän kɔc cän wëiken pɔ̈l, päl awɛ̈ɛ̈c. Acä Lueel, Yɛn Bɛ̈nydït.”

Jeremia 50:20 ပူးပေါင်းရင်းမြစ်များ

Diɛt 103:12

Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 85:3

Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 10:21

Kɔc lik ke Yithriɛl abïk bɛ̈n ciëën tëde Awärjäŋ Nhialicden.

Yith 33:24

Në kɔc rɛ̈ɛ̈r pinyda yic, acïn raan bï bɛ dok an de guöp juäi, ku karɛc ëbɛ̈n abïï ke pɔ̈l.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Jeremia 33:15

Në ee köölë Yɛn bï melik lɔc mɛnh piɛthpiɔ̈u në kuat de Debid yic. Yen ee melikë abï yic ku piathëpiɔ̈u aa looi ë piny yic ëbɛ̈n.

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Jeremia 44:14

Acïn raan töŋ de Juda cï döŋ cï lɔ Rip bïï lɔ ceŋ ëtɛ̈ɛ̈n bï ban ku nɔn bïï pïïr. Acïn raan töŋ bï rɔt pɔ̈k Juda ë keyiic, të kɔɔrkï bïk bɛ lɔ ceŋ thïn. Acïn raan töŋ bï rɔt puk, ee kɔc liaakäŋ cï kat tei.”

Jeremia 50:4

Aye Bɛ̈nydït lueel an, “Të le ee köölë bɛ̈n kɔc ke Yithriɛl ayï kɔc ke Juda abïk bɛ̈n ke ke dhiau, ke ke kɔɔr Yɛn, Yɛn Nhialicden.

Dhiëëu 4:22

Nyan de Dhiɔn acï ariöp de kërɛɛcde cuat piny, Bɛ̈nydït acïï wook bï bɛ muɔ̈k ë pɛ̈cic. Ku Edom, Bɛ̈nydït abï yïn luöi këtuc, abï luɔiduön rac nyuɔɔth.

Edhekiɛl 18:22

Karɛcke kedhie aye ke päl en, ku abï pïïr në biäk cïï yen piathëpiɔ̈u looi.

Maika 7:19

Yïn bï piɔ̈u bɛ kok we wook, ku dum awɛ̈ɛ̈ckuɔ yiic në yïcök, ku dɛɛnyë ke ë wɛ̈ɛ̈ric në lilic ya.

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Dhek 3:9

Aye Bɛ̈nydït de rɛm lueel an, Tiëŋkï, kuur cä cäp thar piny në Jocua nɔm tueŋ. Ade nɔm aguuk kadhorou. Abä tueŋ kɔ̈u, ku nyaai awäny de ee pinyë në kööl tök.

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Romai 11:6

Ku të ee yen këde dhuëëŋdepiɔ̈u, ka cïï be ya këde luɔi, tën ee yen en, ke dhuëëŋdepiɔ̈u acïï be ya dhuëëŋdepiɔ̈u, ku të ee yen këde luɔi, ka cïï be ya këde dhuëëŋdepiɔ̈u, tën ee yen en, ke luɔi acïï be ya luɔi.

Romai 5:16

Ku miɔ̈c aya, acïï cït luɔi de raan töŋ cï kërac looi. Löŋ cï guiir ë kɔc yiëk yiëth gääk në baŋ de raan tök, ku miɔ̈c youyou ee kɔc tɔ piɛth piɔ̈ɔ̈th në kajuëc cïk wööc.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

2 Pet 3:15

Ku jakï liɛɛr ë Bɛ̈nydïïtda piɔ̈u tɔ ye kunydewëi, acït man cï Paulo mɛnhkënëdan nhiaar e gäär week, në këde pɛlënɔm cï yiɛ̈n en.