Jeremia 50:2 - JAM DE NHIALIC 2011

² “lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 50:2 ပူးပေါင်းရင်းမြစ်များ

Diɛt 64:9

Ku raan ëbɛ̈n abï riɔ̈ɔ̈c, ku abïk nïïm aa tak në kë cï Nhialic looi, ku lueelkï ka cï ke looi.

Diɛt 96:3

Lɛ̈kkï dhuëëŋde juöör, lɛ̈kkï kɔc ëbɛ̈n göök cï looi.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Yith 12:4

Ade kööl bɔ̈, kööl bïï röördït ket an, “Gɛ̈mkï Bɛ̈nydït lɛc! Calkï bï we kony! Lɛ̈kkï juöör kë cï looi ëbɛ̈n! Lɛ̈kkï luɔi dïït En!

Yith 13:2

Në kuur cie luɔk nɔm yen aa jɔt ë beer ë tɔŋ nhial! Mɔ̈ckï kiɛɛu rem de tɔŋ ku jatkï we kök nhial ke ye kë nyuth keek, luɔi bä wek thook ke kal ë pänydïït ɣɛ̈ɛ̈c yenɔm lɔ mak.

Yith 21:9

Kɔc acïk guɔ bɛ̈n ëthiäu! Kɔc nu ë jöŋgöör kɔ̈ɔ̈th aciɛthkï ë rou ku rou. Aŋoot raan tït ke ciɛɛl thok an, “Babilon ë wïïk! Yiëthkɛn yek lam adhɔtkï piny ke ke cï dhuɔɔŋ.”

Yith 37:19

ku nyop yiëthken, ka ɣɔn cie yiëth ë yic yic, ayek kak ë guaŋ ë tiim ku kur, luɔi de kɔc cin tei.

Yith 39:1

Në ee kaamë yic, melik de Babilonia, Merodak Baladan wën ë Baladan, ɣɔn cï yen Ɣedhekia piŋ nɔn de yen guöp juäi ku ë guöp pial, acï Ɣedhekia bɛ̈n tuöc awerek ku miɔ̈c.

Yith 46:1

“Kënë ee thök de yiëth ke Babilon! Bel ku Nebo wään cï kɔn lam, ku ënɔɔnë acï ke duööt në mul kɔ̈ɔ̈th, ee kë cï läi cï duɔɔny tɔ nuan.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 48:6

“Ka ɣɔn cïï lueel kedhie acïk röt looi, abäk dhil gam nɔn ye ka cä caar aa yith. Ënɔɔnë wek bä bɛ lɛ̈k ka bï bɛ bɛ̈n, ka kɛ̈n keek kɔn nyooth ɣɔn.

Jeremia 10:11

(Wek kɔc, abäk dhil lɛ̈k keek, an, yiëth ë cïï tënhial kekë piny loi, abïï ke riɔ̈ɔ̈k. Acïn tëdäŋ bïï kek lɔ thïn ë piny nɔm.)

Jeremia 10:15

Acïnkï naamden ku aduëërë keek biɔɔn, abïï keek riɔ̈ɔ̈k të le Bɛ̈nydït bɛ̈n yök ke keek.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Jeremia 4:16

Abïk juöör bɛ̈n jɔ̈ɔ̈ny ku lëkkï Jeruthalem nɔn bïï kɔc ke ater piny mec. Kek kɔc ke ater abïkï ke ke wuou ku lɛ̈ɛ̈tkï pɛ̈ɛ̈nydït ke Juda

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 46:14

“Luel ë wuöt ke Rip yiic, ku në Migdol, ku Mempeth, ku Tapaneth an, ‘Kiëëtkï röt bäk röt gël, kakuön tɔ̈u tëde week ëbɛ̈n abï keek riɔ̈ɔ̈k tɔŋ!

Jeremia 50:46

Të lee ë Babilon löny, abï dɛ awuɔɔudït arëët, ka piny nɔm abïï lath nɔm ëbɛ̈n, ku awuɔɔu de lëk lëk ë kɔc abïï piŋ ë juöör kɔ̈k.”

Jeremia 51:12

Gamkï kïn bïï ë kɛ̈l ke Babilon mak. Takï kɔc ee tïït ril! Takï rem de tɔŋ ee tïït biic lɔ tëden! Takï kɔc ee kɔc buuth thiaan!” Bɛ̈nydït acï këdɛn cï lueel an bïï luöi kɔc ke Babilonia looi.

Jeremia 51:27

“Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.

Jeremia 51:31

Kɔc ye tooc, aye ŋɛk kat, ku lɔ ŋɛk në ŋɛk cök, ke ke lɔ melik de Babilonia lɛ̈k, nɔn cïï ë pänydïïtde thuur kɔ̈u në aguuk kedhie.

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Jeremia 51:47

Ku akööl acïk bɛ̈n akööl bän thɔ̈ɔ̈r wokë yiëth ke Babilonia. Yen paan ë Babilon ëbɛ̈n abï yäär, ku kɔcke kedhie abï keek nɔ̈k.

Jeremia 51:52

Ku aya lueel an, akööl abïkï akööl bän thɔ̈ɔ̈r wokë yiëth ke Babilonia, ku kɔc de gup bɔ̈ɔ̈t abïk yiic joor ë baai yic ëbɛ̈n.

Jeremia 51:8

Babilonia ë guɔ wïïk ëthiäu, ku acï riɔ̈ɔ̈k! Dhiëëukï Babilon! Lak käärkï tëtöökke wal ë baam, tɛk däŋ bïk dem.

Jeremia 52:31

Në ruöön ɣɔn ye Ebilmerodak melik ë Babilonia, acï kokdepiɔ̈u nyuöth Jekonia melik de Juda, në luny lony yen en ë alooc yic. Kënë aa loi rɔt në kööl de thiërrou ku dhïc, në pɛɛi de thiëër ku rou, ë ruöön thiërdiäk ku dhorou, wään cï ë Jekonia peec ke mac.

Jeremia 6:18

Go Bɛ̈nydït jɔ lueel an, “Wek juöör, piɛŋkï wek akutnɔm, ku ŋiɛckï kë bï rɔt luöi keek.

Danyel 1:2

Go Bɛ̈nydït Nebukadnedhar tɔ pec Jeɣoyakim, ku jɔt wëu kɔ̈k ke ɣön ë Nhialic. Ku jɔt ka kɔ̈k cï peec leer keek paande tɛ̈ɛ̈u ke ë luaŋ yaathde yic.

Danyel 3:14

Go keek thiëëc an, “Cadrak ku Mecak ku Abenego, Cäk jaai ë yic, luöi cä wek yanh de adhääp cä looi bï lam, ku cäkï wenïïm bï guöt piny në këde adhääp nɔm?

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Nyuuth 18:2

Go cööt arëët ë röl dït, an: “Babilon dït acï wïïk, acï wïïk, ka cï aa panɔm de jɔɔk rac, ku ye të cï atïptïïp ke jaak nhiany mac thïn ëbɛ̈n, ku mɛcë diɛt rac nhiany thïn ëbɛ̈n aya.