Jeremia 50:17 - JAM DE NHIALIC 2011

¹⁷ Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 50:17 ပူးပေါင်းရင်းမြစ်များ

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

2 Mel 24:10

Në aköölkë yiic, go kɔc ee Nebukadnedhar luööi melik de Babilon, Jeruthalem mak ku tookkï.

2 Mel 25:1

Ku në ruöön ɣɔn ye Dhedekia run dhoŋuan ke ye melik de Juda, në kööl ë thiëër, në pɛɛi ë thiëër, yen aa bïï Nebukadnedhar melik de Babilon kekë remdɛn ë tɔŋ ëbɛ̈n, bïï ku took Jeruthalem. Gokï piɔ̈ɔ̈t ë pänydït kɔ̈u, ku wilkï kal në thɔc abï nɔm ɣet nhial,

2 Lëk 28:20

Ago melik de Athiriya luɔi kony en Aɣadh pɔ̈l ku reec ku tɔ nuan arëët.

2 Lëk 33:11

Go Bɛ̈nydït rem de tɔŋ de Athiriya tɔ yïn tɔŋ Juda. Agokï Manatha peec, ku gɔnkï alɔbithɔ de maläŋ ë yeguöp, ku rekkï në joth, ku leerkï Babilon.

Yith 15:9

Kiir thiääk ke wun cɔl Dibon, acï thiɛth ke riɛm, ku Nhialic aŋoot ke de kë bïï looi ë Dibon! Kɔ̈ɔ̈r abïk kɔc ke Mowap cï döŋ apïïr nɔ̈k, ku mɛt keek në kɔc ban cï döŋ.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 5:17

Abïk rɛɛpkun thöl ku ciɛmkï kacaamkun, abïk wɛ̈ɛ̈tkun ku duetkun nɔ̈k. Abïk ɣɔ̈kkun ku thökkun tɛm röt, ku riäkkï tiimkuön ke enap ku tiim ke ŋaap. Pɛ̈ɛ̈nydït cï gël yak keek ŋɔ̈ɔ̈th abïï remdɛn ë abätäu keek riɔ̈ɔ̈k.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 51:38

Kɔc ke Babilonia abïk aa ŋun kedhie cï köör, ku abïk yiic aa door cï aduuk ke köör.

Jeremia 52:1

Dhedekia aaye run thiërrou ku tök, wään dɔm yen bääny ë Juda, ku jɔ bääny muk në run kathiëër ku tök. Man acɔl Ɣamutal, nyan de Jeremia wään rëër në pänydïït de Libna yic.

Edhekiɛl 34:12

cït man ye tïn de thök amɛ̈l ŋiëc muk të cï kek thiäi, aye ke bɛ lɔ määt yiic. Abä ke lɔ pɔ̈k nïïm ciëën në ɣään wään cï kek thiɛ̈i thïn në kööl ɣɔn de mɔ̈ɔ̈th ë riääk.

Danyel 6:24

Na wën ke melik ë yöök kɔc bïk kɔc wään gɛɛny Danyel dɔm kedhie, agokï keek cuat ë pul yic, pul cï thiäŋ ke kɔ̈ɔ̈r, keek në diëërken ku mïthken ëtök. Ku të ŋoot kek ke ke kën guɔ ɣet ë pul thar piny, go kɔ̈ɔ̈r guɔ lööny në ke yiic ku dhuuŋkï yomken kedhie.

Jowɛl 3:2

Yɛn bï juöör määt yiic kedhie, ku bɛ̈ɛ̈i keek në wak de Jeɣocapat ɣɔn cän e tɔ tiëm. Bä keek bɛ̈n luöi këtuc ëtɛ̈ɛ̈n, në biäk de kë cïk luöi Yithriɛl kɔckiën bä lɔ̈ɔ̈k lak. Acïk kɔckï thiäi në juöör yiic ëbɛ̈n, ku tëkkï röt pinydï.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.