Jeremia 50:1 - JAM DE NHIALIC 2011

¹ Kënë ee jam ë gɛ̈më Bɛ̈nydït ë tiët Jeremia në biäk de Pänydït Babilon kekë kɔcke an,

Jeremia 50:1 ပူးပေါင်းရင်းမြစ်များ

Cäk 10:10

Ɣɔn tueŋ gɔl ë ciɛɛŋde rɔt, aa cieŋ Babel kekë Eerek, ku Akat. Ku wuötkë kedhie kadiäk, anukï piny ë Babilonia.

Cäk 11:31

Ago Tera jäl ë Ur kekë Abram wënde, ku Lɔt wën ë wëndɛn Ɣaran, ku lɔ Tharai tiiŋ de Abram wënde. Jëlkï piny ë Babilonia lek piny ë Kanaan. Na wën, aa lek ɣet wun cɔl Ɣaran, ke ke piäät thïn ëtɛ̈ɛ̈n.

Cäk 11:9

Ku ëtɛ̈ɛ̈n, yen aa jɔ rin ke ee wunë bɛ̈n aa cɔɔl an Babel. Në luɔi cï Bɛ̈nydït thoŋ ë kɔc ke piny nɔm ëbɛ̈n liääpic ëtɛ̈ɛ̈n. Ku thiëi keek ë piny nɔm ëbɛ̈n.

2 Tham 23:2

Wëi ke Bɛ̈nydït ajamkï në yaguöp, jamde atɔ̈u në yathok.

2 Mel 17:24

Go melik de Athiriya kɔc bɛ̈ɛ̈i në Babilon, ku Kuth ku Yiwa ku Ɣamath, Theprapiam, ku tɛ̈ɛ̈u keek në wuöt ke Thamaria yiic wɛɛr kek kɔc ke Yithriɛl, gokï Thamaria nööm ku rëërkï në wuötke yiic.

Jop 1:17

Të wën ŋoot en ke jam, ke raan däŋ go bɛ̈n ku lueel an, “Kɔc ke Babilonia acïk akuut ee yiic diäk kuany, ku löönykï ë thɔ̈rɔ̈ɔ̈liic jɔtkï ke ku näkkï kɔc ee ke tiit kedhie në abätäu, ee yɛn a tök, yɛn aa bän, ku bä ee thoŋë bɛ̈n lɛ̈k yïn.”

Yith 14:4

Të looi yen ee kënë, abïk melik de Babilonia aa dɔl guöp ku lueelkï an, “Melik de guöp akuöörkuöör ë wïïk! Acïn raan bïï bɛ yɔŋ!

Yith 23:13

(Aa ye kɔc ke Babilonia, acie kɔc ke Athiriya kek ë tɔ läi roor nöm Tayer. Aa ye kɔc ke Babilonia kek ë took wut në aloc bär, ku dhoŋkï ɣään ke riɛl de Tayer piny, ku nyiëëŋkï pänydït piny ke cï riääk)

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Danyel 1:1

Në ruöön de diäk ɣɔn ye Jeɣoyakim melik de Juda, go Nebukadnedhar melik de Babilon, tɔŋ lɛɛr Jeruthalem ku took cil.

Luɔi 7:4

Ago jäl paan ë Babilonia, bï ku nyuuc ë Ɣaran: na wën, aa cï wun guɔ thou, ke tɔ Nhialic jël, bïï ee paan rɛ̈ɛ̈r wek thïn ënɔɔnë.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.

Nyuuth 14:8

Na wën, ke tunynhial däŋ löök bɛ̈n, bï ku lueel, an, “Acï wïïk! Acï wïïk, yen Babilon pänydïït dïïtë, luɔi cï en juöör tɔ dëk ëbɛ̈n në mɔ̈n ë agɔ̈th agönh ë bïïyë bɛɛlde!”