Jeremia 5:22 - JAM DE NHIALIC 2011

²² Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Jeremia 5:22 ပူးပေါင်းရင်းမြစ်များ

Cäk 1:9

Ago Nhialic lueel an, “Pïïu nu piny ë ke mɛt röt tëtök kedhie, ku të cï dëu ë tiëc.” Go rɔt looi cït man cï Yen e lueel.

1 Mel 13:28

na wën aacï kɛɛc, ke lɔ ku yök guöp ë tiët ë Nhialic ke dhɔt kueer, ku kääc mul ë yelɔ̈ɔ̈m kekë köör. Ku köör akën guöpde raan cam ayï muul akën mak.

Jop 26:10

acï aken ë ɣɛɛr kekë mɔ̈ɔ̈th tɔ̈u në piny nɔm biäk tui giit,

Jop 37:24

Acie këdïït ë gäi, bï raan ëbɛ̈n riɔ̈ɔ̈c në Yen tëdɛn rëër kek thïn, kɔc ee ye lueel an pelkï nïïm.

Jop 38:8

Ku eeŋa thiök athïïn ke wɛ̈ɛ̈r të ye pïïu riŋ piny?

Diɛt 104:9

Yïn cï akeu cïï duëër lïïr nɔm tääu ë kɛmken, ke ke cïï pinynɔm bï bɛ thiɔ̈ɔ̈ŋ nɔm.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 33:7

Ku mɛt pïïu ke wɛ̈ɛ̈r nïïm tëtök kedhie, ku tɛ̈ɛ̈u pïïu ke abäpdit tëdɛn kɔɔr.

Diɛt 46:3

Na cakaa wɛ̈ɛ̈r yen ë nieŋ rɔt në awuɔɔu, ku nieŋ ɣään thɔ̈ny röt në tɔɔŋ.

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Kɛ̈ŋ 8:29

Ku yöök pïïu tɔ̈u ë wɛ̈ɛ̈r yiic cïkï bï thiɔɔr awär agöör nïïm, cït man cïï yen ke yɔ̈ɔ̈k, ku tɛ̈ɛ̈u mënke piny.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 64:2

Aduëër ë ke lath cït pïïu cïï ë maany tuc tɔ piäär. Bä nyuöthë riɛldu kɔc ke aterdu ku tɔ juöör lɛthë ëbɛ̈n në yïnɔm!

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Amoth 4:12

“Në biäk de ee kakë, kë bä luöi week kï, wek kɔc ke Yithriɛl. Ku në biäk bän week luöi këtuc, guiɛɛrkï röt bäk yök në Nhialicdun.

Amoth 9:6

Bɛ̈nydït ee ɣönde yïk paannhial. Ku pinynɔm, acïï Yen gëlgël de tënhial nöök. Ee pïïu ke wɛ̈ɛ̈r cɔɔl, piɔɔk En ke tiɔp nɔm. Rinke acɔl ke Bɛ̈nydït!

Jona 1:16

Ku kënë, acï kɔc lui abël wïïric tɔ rïïu Bɛ̈nydït aläldïïtë ku nɛ̈kkï käŋ lueelkï gutguut an, bïk Bɛ̈nydït aa lam ku luuikï.

Naɣum 1:4

Ee wɛ̈ɛ̈r rɛ̈l ago dëu! Ku tɔ kiɛɛr dëu kedhie. Ku biɔɔr këtɔ̈c ëbɛ̈n tɔ̈u piny ë Bacan kekë kuur ë Karmel, ku lööny gaak de wal ke Lebanɔn wei.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Mak 4:39

Go pääc, go yom jɔ̈ɔ̈ny, ku yöök wɛ̈ɛ̈r an, “Lɔ lik, pälë rɔt piny!” Go yom kɔ̈ɔ̈c, ku lɔ wɛ̈ɛ̈r dïu arëët.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Nyöŋ 28:58

“Na kënkï wɛ̈ɛ̈t de Nhialic ëbɛ̈n riëëu, wɛ̈ɛ̈t cï gɔ̈ɔ̈r në awerekë yic, ku na kënkï rin ke Bɛ̈nydït Nhialicdun riëëu, rin ke gäi, rin ye kɔc riɔ̈ɔ̈c,

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”