Jeremia 5:17 - JAM DE NHIALIC 2011

¹⁷ Abïk rɛɛpkun thöl ku ciɛmkï kacaamkun, abïk wɛ̈ɛ̈tkun ku duetkun nɔ̈k. Abïk ɣɔ̈kkun ku thökkun tɛm röt, ku riäkkï tiimkuön ke enap ku tiim ke ŋaap. Pɛ̈ɛ̈nydït cï gël yak keek ŋɔ̈ɔ̈th abïï remdɛn ë abätäu keek riɔ̈ɔ̈k.

Jeremia 5:17 ပူးပေါင်းရင်းမြစ်များ

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Yith 62:9

Ku yïn raan ee anyol com ku puur ke yïn bï cam në kuïn cï pam ku lec Bɛ̈nydït. Yïn raan ee enap tiit, yïn abï ke määt yiic, yïn bï mɔ̈u dek në kal de tëdiën ɣeric yic.”

Yith 65:22

Acïkï bï yïk ku lɔ kɔc kɔ̈k rɛ̈ɛ̈r thïn, ku acïkï bï com ku lɔ kɔc kɔ̈k ke cam. Kɔckï abïk aa pïïr abïk dhiɔp cï tiim. Abïk kuɛth de kakɛn cïk looi cam në miɛtëpiɔ̈u.

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 25:37

Të piɛth lɔ läŋ abï riɔ̈ɔ̈k, në biäk de agönh tuc de Bɛ̈nydït.

Jeremia 4:26

Piny wään ee luɔk acï rɔt puk ke ye jɔ̈ɔ̈r, pɛ̈ɛ̈nydïtke acï ke riɔ̈ɔ̈k në biäk de agönh tuc de Bɛ̈nydït.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 5:18

Aye Bɛ̈nydït lueel an, “Acakaa aköölkë yiic Yɛn cïï kɔckï bï riɔ̈ɔ̈k taitai.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 50:7

Aye keek mak në kak ee keek yök ëbɛ̈n. Aye kɔc ke aterden lueel an, ‘Acïk awäc luöi Bɛ̈nydïïtden, ka Yen acïn awäny cuk looi. Kuarken aake ye Bɛ̈nydït ŋɔ̈ɔ̈th, ku keek adï cïk ŋoot ke ke ye adööt tëde Yen.’

Jeremia 8:13

“Yɛn kɔɔr bä kɔckï määt yiic, cït man ye raan de dom rap kut nïïm, ku acïk ciët tim de enap cïn nɔm mïth, ku cïtkï tim ë ŋaap cïn nɔm mïth, ayï yïthke acïk biɔɔr. Yeka cän kɔc lei tɔ nöm piny.”

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Dhiëëu 2:12

Anäk cɔk keek ku nɔ̈k rou keek, adhiëëukï märken an nu kuïn kekë mɔ̈u ënou? Ayek wïïk ë kuɛɛr yiic cït man ë ka de gup buɔ̈t, ku jɔkï thou ë määth läŋ në märken yöth.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Ɣodh 2:12

Ku tiimkɛn ke enap abä keek riɔ̈ɔ̈k, ayï tiimkɛn ke ŋaap, tiim yek lueel an ë röörken kek ë riɔp keek në keek. Abä keek tɔ ye roor, ku abïï läi roor ke riɔ̈ɔ̈k.

Ɣodh 8:14

“Yithriɛl ë nɔm määr në Aciëŋ ë cak keek, ku acïk röt yiëk ɣööt dït läk. Ku kɔc ke Juda acïk pɛ̈ɛ̈nydït juëc cï gël yïk. Ku Yɛn bï pɛ̈ɛ̈nydïtken ɣɔ̈k mac, ku nyuɔp ɣöötken piny.

Jowɛl 2:3

Mac ee käŋ nyop në kenïïm tueŋ, piny ee tɔ̈c cï dom de Eden në kenïïm tueŋ, ku në kecök ciëën ee döŋ ke ye jɔ̈ɔ̈r baaŋ. Acïn kë ye ban në kecin.

Lebai 26:16

Wek bä jɔ luöi kakë: Wek bï yiɛ̈n riääk ëthiäu, wek bä yiɛ̈n jɔɔk thöl kɔc, ku atuöc bï week tɔ cɔɔr, ku nyiith wëikun wei, wek bï rap aa cuöm baŋ, në biäk bï kɔc dɛ wek ater ke cam.

Dhep 3:6

Aye Bɛ̈nydït lueel an, “Yɛn cï juöör nyaai nyïïn ëbɛ̈n, ku riääk pɛ̈ɛ̈nydïtken ku ta pɛ̈ɛ̈ny ke ɣöötkɛn bär dɔ̈ŋ piny ke ke cï riääk. Pɛ̈ɛ̈nydït acï ke nyääŋ piny ku kuɛɛr acïn raan ee cath thïn, acïn raan cï döŋ.

Malakai 1:4

Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.