Jeremia 49:4 - JAM DE NHIALIC 2011

⁴ Wek ee kɔc cie adööt, eeŋö ya wek röt lɛɛc? Riɛldun awiɛ̈ɛ̈k. Eeŋö ya wek riɛldun ŋɔ̈ɔ̈th, ku yak lueel an cïn raan bï we mak?

Jeremia 49:4 ပူးပေါင်းရင်းမြစ်များ

Diɛt 49:6

kɔc ee karɛc looi ŋäth kuɛthden ee röt lɛɛc në wëukɛn juëc,

Diɛt 52:7

“Tiëŋkï raan kï raan cïï rɔt ee kan ë Nhialic bïï ya konyde, ku ee wëukɛn juëc ŋɔ̈ɔ̈th, ku ye rɔt tiit në kërɛɛc ye looi.”

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Kɛ̈ŋ 10:15

Kajuëc ke raan kueth ayek könde, ku kuany de nyin ee riäŋ de raan cïn nɔm käŋ.

Jeremia 21:13

Yïn Jeruthalem, yïn kääc tëthöny ë wɛ̈k nïïm, yïn cït kuur nu ë riaaŋ nɔm. Ku Yɛn bï thɔ̈ɔ̈r we yïn. Aye lueel an acïn raan bï yïn mak, ku acïn raan duëër rem de tɔŋdu reetic.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 48:7

“Mowap yïn ŋäth riɛldu ku wëuku, ku ënɔɔnë yïn bï peec, yanhdu Cemoc abï peec, kekë kɔc ee ye luööi ku gucke.

Jeremia 49:16

Lɛcdu acï yïn math. Acïn raan ee riɔ̈ɔ̈c ee yïn, cïn man ee yïn en tak an ye kɔc riɔ̈ɔ̈c ë yïn. Yïn rɛ̈ɛ̈r në awiɛn ë kur nïïm, në kuur nɔm nhial ya, ku cakaa nɔn rɛ̈ɛ̈r yïn nhial ya cï cuɔɔr, Bɛ̈nydït abï yïn bɛ̈ɛ̈i piny. Acï Bɛ̈nydït lueel.”

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Ɣodh 4:16

Kɔc ke Yithriɛl arilkï nïïm cït weŋ amiɔ̈l: ka acïï Bɛ̈nydït keek duëër nyuääth ëläŋ të lääu de nyuäth cït nyɔɔŋ amääl.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”