Jeremia 49:36 - JAM DE NHIALIC 2011

³⁶ Yɛn bï yom tɔ put ke lɔ të lɔ Eelam në aguuk kedhie, Yɛn bï kɔcke thiäi ë piny nɔm ëbɛ̈n, abï ciën jur töŋ bï döŋ ke cïn yic kɔckɛn lɔ thïn.

Jeremia 49:36 ပူးပေါင်းရင်းမြစ်များ

Diɛt 147:2

Bɛ̈nydït acï wo bɛ gäm Jeruthalem, abïï kɔckɛn wään cï peec ciëën.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 49:32

“Jatkï thɔ̈rɔ̈ɔ̈lken ku ɣɔ̈kken kedhie! Yɛn bï kɔc ee nhïmken tem ke ke cek thiäi në ɣään yiic ëbɛ̈n, Yɛn bï riääk yiɛ̈n keek në aguuk kedhie.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Danyel 11:4

Ku të cï yen jɔ riɛl aläl, ciɛɛŋde abï ye yic tek në biäk ke pinynɔm kaŋuan. Meliik cie kuatde abïk piny cieŋ ë nyinde yic, ku acïkï bï dɛ riɛl wään tɔ̈u ke yen.

Danyel 8:22

Ku tuŋ kaŋuan ë cil tëde tuŋ wään cï dhuɔɔŋë, anyooth luɔi bïï ee jurë tekic ë ciɛɛŋ kaŋuan ku acïkï bï riɛl cït man de ciɛɛŋ tueŋ.

Danyel 8:8

Go bou nɔm jɔ dït aläl, ku të wën cï en jɔ riɛl aläl go tuŋ dhuɔɔŋ. Go tuŋ kaŋuan ciɛl tëde, ku tuŋ tök ee rɔt wɛl tëde pei yetök.

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Dhek 6:5

Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyuuth 7:1

Na wën, aacï kakë thök, ke ya tïŋ tuucnhial kaŋuan akɛ̈ɛ̈ckï ë aguuk ke piny nɔm kaŋuan, ku mukkï yom ke piny kaŋuan, ke bï ciën yom bï pɔ̈t ë piny nɔm, ayï wɛ̈ɛ̈ric, ayï tiim kedhie.